Den Bybel met groter neersticheyt ghecorrigeert (Liesveltbijbel 1542)

¶ Die Apostel leert den ghenen die inden houwelijcken staet sijn, sprekende van die vercieringhe der vrouwen, ende der mannen wijsheyt, vermanende hoe wy ons hebben sullen teghen God ende onsen naesten.

Dat .iij. Capittel.

1

⁺DEsghelijcken sullen ooc die vrouwen onderdanich wesen haren mannen, op dat die niet geloouich en sijn aen dat wort, dat die door der vrouwen conuersacie sonder dat woort ghewonnen moghen

+ A vers 1

[p. *]

werden,

2

als si aensien uwe cuyssce wandelinghe inder vreesen,

3

welcker vercieringe en sal niet wesen wtwendich in haer vlechten, oft omhanginge des gouts, oft aentreckinge der cleederen,

4

mer die verborgen mensce des herten inder onuerganclicheyt eens saechten ende stillen geests, die welc voor Gode costelic is,

5

Want also hebben haer ooc verciert in voortijden die heilige vrouwen, die haer hoop gheset hebben op God, ende haren mannen onderdanich waren,

6

ghelijc Sara Abrahe gehoorsaem was, ende noemde hem Heer, wiens dochteren ghi geworden sijt, ist dat ghi wel doet, ende niet verueert en sijt voor eenich letsel.

7

⁺Desgelijcken ghi mannen, woont bi haer met redelicheyt, ende gheeft den wijueschen instrument als eenen cranckeren vaetken, eer mede deylende, als ooc mede eruen der genaden des leuens, op dat v gebet niet behindert en werde.

+ B vers 7

8

† Mer alte samen weest eenmoedich gesint, mede lijdende broederlic, hertelic, vriendelic,

9

betaelt niet quaet met quaet, noch vloeckinge met vloeckinge, met daer tegen gebenedijt, ende weet dat ghi daer toe geroepen sijt, dat ghi die benedijnge erflijc soudt besitten.

10

Want wie dat leuen wil lief hebben, ende goede dagen sien, die bedwinge sijn tonge dat si niet quaets en spreke, ende sijn lippen dat si niet en bedriegen,

11

Hy keere hem van dat quade, ende doe dat goet, hi soecke vrede, ende stae daer na, want die ooghen des HEEREN sien op die rechtueerdige, ende sijn ooren op haer gebet.

12

⁺Maer dat aensicht des HEREN siet op dien, die daer quaet doen.

+ C vers 12

13

Ende wie ist die v can letten, ist dat ghi nae dat goede staet,

14

Salich zijt ghi, ist dat ghi lijdet om der rechtueerdicheyts wille, Vreest niet voor haer dreygen noch en verscrict niet, op dat ghi niet verstoort en wert,

15

maer heilicht God den HERE in uwer herten * Weest altijt bereyt te antwoorden eenen yegelijcken diet begheert, vander hopen die in v is,

16

ende dat met saechtmoedicheit ende vreese, ende hebt een goede conscientie, op dat, die van v quaet seggen, als van misdaders, bescaemt moghen werden, ⁺ dat si bespot hebben v goede conuersatie in Christo

+ D vers 16

17

Want het is beter dat ghi om weldoen lijdt, ist Gods wille, dan van quaets wegen.

18

† Want Christus heeft ooc eens voor onse sonden gheleden, die rechtueerdige voor die onrechtueerdighe, op dat hi ons Gode soude offeren, ende is ghedoot na dat vleesch mer leuendich gemaect nae den gheest.

19

Inden seluen is hi ooc henen gegaen, ende heeft gepredict den geesten inder geuanckenissen, die voortijts ongeloouich waren,

20

doenmen eens verwachtede die godlijcke lancmoedicheyt in dien tijden van Noe, doen men die arcke bereyde, in welcker weinich, dat is, achsielen behouden worden door dat water,

21

welc v ooc nv salich maect, in dat doopsel, dat daer door beteekent is, niet in afdoen der onreynicheyt des vleeschs, mer die seker kennisse der goeder conscientien bi God, door die verrijsinge Iesu Christi,

22

die daer is ter rechterhant Gods inden hemel geuaren, ende die Engelen, ende dye machtigen, ende die crachten sijn hem onderdaen.