Den Bybel met groter neersticheyt ghecorrigeert (Liesveltbijbel 1542)

¶ Hoe Ioannes screyde, ende daer nae dat lammeken ghedoot wert, wiens weerdicheyt approbeerden die vierentwintich ouders ende duysentich duysent enghelen.

Dat .v. Capittel.

1

⁺ENde ic sach inder rechterhant des geens die opten stoel sadt een boec binnen ende buyten ghescreuen, besegelt met seuen segelen,

+ A vers 1

2

ende ic sach eenen stercken Engel, sprekende met groter stemmen, Wie is weerdich dat boeck op te doen? ende sine segelen te ontdoen?

3

Ende niemant inden hemel, noch opter aerden, noch onder dye aerde en const dat boec opgedoen noch aengesien,

4

ende ic weende seer dat nyemant weerdich gheuonden en was dat boec op te doen ende te lesen, ⁺ noch aen te sien.

+ B vers 4

5

Ende een vanden ouders seyde tot mi, En weent niet, siet, die ^a leeuwe die daer vanden geslachte Iuda is die wortele Dauid, heeft verwonnen dat boeck op te te doen, ende sijn seuen segelen te ontdoen,

a Leeuwe, dat is Christus die door sijn cracht den duyuele verwonnen heuet ende die doot. ij.heb. i. Heb. ij.c

6

ende ick sach, ende siet, midden inden stoel, ende der vier dieren, ende midden onder die ouders stont een lam, als oft gedoot ware, ende hadde seuen hoornen, ende seuen ooghen, welc die seuen gheesten Gods sijn, geseynt in allen landen,

7

Ende het quam ende nam dat boeck wt der rechter handt des gheens die daer opten stoel sadt.

8

⁺Ende doent dat boec genomen hadde, doen vielen die vier dieren ende die vierentwintich ouders voor dat lam, hebbende yegelic herpen ende scalen vol geruecx, welc die ghebeden der heyligen sijn,

+ C vers 8

9

ende songen een nyeuwe liet, seggende, Ghi sijt weerdich dat boeck te ontfaen, ende sijn segelen op te doen, want ghi sijt ghedoot, ende hebt ons met uwen bloede ghecocht wt alle gheslachten ende tonghen, ende volc ende nacie,

10

ende hebt ons Gode tot coninghen ende priesteren ghemaect, ende wi sullen opter aerden regneren.

11

Ende ic sach ende hoorde een stemme veelre Enghelen rontom den stoel ende rontsom die dieren, ende rontomme die ouders, ⁺ ende haer getal was veel duysentmael duysent

+ D vers 11

12

seggende met groter stemmen, dat lam dat ghedoot is dat is waerdich te ontfaen cracht, ende rijcdom, ende wijsheyt ende stercheit, ende eere, ende prijs ende benedidinge,

13

ende alle creatuere die inden hemel is ende opter aerden, ende onder die aerde, ende in die zee, ende al dat daer in is, hoorde ic seggen totten genen die opten stoel sadt ende totten lam. Gebenedidinge ende eere, ende prijs, ende rijck van eewicheyt tot eewicheyt,

14

Ende die vier dieren seyden Amen.

Ende die vierentwintich ouders vielen neder ende aenbaden den ghenen die daer leeft van eewicheyt tot eewicheyt.