Leven van Lutgart

(1899)–Anoniem Lutgart, Leven van– rechtenstatus


VIII. Van den paus Innocentiuse die te hare quam tire wilen dat hi verschit. 1825[regelnummer] En paus te Rome wilen was Daer ic hir vore u ave las, Die hit her InnocentiusGa naar voetnoot1. Nochtan, al hit die here aldus, En heft hi nit gedaen in schijn 1830[regelnummer] Met werken, dat die name sijn Te rechte an hem bestadet ware; Want beide stille ende oppenbare So plach hi doen in somen stonden Daer hi met hevet hem ontfonden 1835[regelnummer] Van sinen name dat bedit; Want al te sere hi hem verlit Op sine grote auctoriteit: Ende om die grote werdechheit Die hem verleende Got die goede, 1840[regelnummer] So was hi van so hogen moede Ga naar margenoot+Dat het quam sider hem te schaden; Want hi met noseliken daden So verre plach hem buten leiden Den wegen van onnoselheiden, 1845[regelnummer] Dat het verginc hem sent te leede. Want, alse quam te din gescheede Die sile, daer si laten soude Dit lijf ende in die Gods gewonde Enwege varen loen ontfaen 1850[regelnummer] Van allen dat si ie gedaen Tevoren hadde in haren dagen, (Alse alle silen oit plagen Ende emmermeer oc selen plien; Dis igewelc hem mach onssin 1855[regelnummer] Die metten sonden ommegaet) En conde si dat volle aflaet Vererigen nit noch dat pardon, Dat hi plach andren lieden doen In sinen live wilen eere 1860[regelnummer] Die paus mar, die grote heere. Mar dis hi selve daer tevoren Dis tides hadde en deel verloren Met argen werken ende boese, Ende oc gelevet roekeloese 1865[regelnummer] Gelijc dat menech ander pleget, So wart die siele aldaer geweget Daer si began gevulen schire Der pinen van den vegevire Swar utermaten ende groet; 1870[regelnummer] Want Got, die alle dinc geboet, Ga naar margenoot+Sententie heft also gegeven Omdat si was besmettet bleven Van groten sonden ende swar, Die Innocens, die paus mar, 1875[regelnummer] En hadde wel gebetert nit Eer hi van derre werelt schit. Mar wildi dat ic u bediede Wat an din stonden oc geschide Warbi dit selve es oppenbart? 1880[regelnummer] Tin selven tiden lach Lutgart, Die Godes brut, in kniegebede Ende een gebet met goeme dede Te Gode wert op eenen dach Daer si bi wilen beden plach, 1885[regelnummer] Dat was tin nameliken stonden Dat wart dis heeren sile ontbonden Van din lichame ende es gevaren De sonden, die an hare waren, Int purgatorie arnen sere; 1890[regelnummer] Want dat jujeerde Got, die here. Aldaer die magt van groten prise Gelegen was in derre wise Ende harre beden soude plegen,
[pagina 23]
Gevil dat si op heft geslegen 1895[regelnummer] Hare ogen beide; ende also saen Sach si beneven hare staen Dis heeren sile in groten pinen; Want si die vlammen sach beschinen Die sile omtrent in allen staden 1900[regelnummer] So einselic ende oc verladen, Ga naar margenoot+Dat si tevoren die gelike En hadde nie in erterike Noch horen seggen noch gesin. Dis wart die maget so van din 1905[regelnummer] Verssaget dat si rip ‘owi’ Met luder stemmen: ‘segget mi Van Godes halven wie gi sijt; Dis manic u dat gi mi lijt; Van Godes halven manies u 1910[regelnummer] Eer gi mi naerre comet nu; Want u gelike en sagic nie; Dis varet mi dat ic u sie Met groter vlammen dos onsteken; Nu spreket, och gi moget spreken.’ 1915[regelnummer] Doe sprac degene weder dus Ende seide: ‘Her Innocentius Was ic genamet hir tevoren; Te Rome was ic paus gekoren; Mar nit ne volgedic din name; 1920[regelnummer] Mijn leven dat was onbequame Den coninc van den hogen trone; Daeromme ontfa ic nu te lone Die grote pine, die ic drage Ende toten ijoncsten doemesdage 1925[regelnummer] Sal moten dragen, maget goet, Hen si dat gi mi helpe doet; Want over waer hebbic vernomen Dat gi mi moget harde vromen Ende oc verwerven mi met beden 1930[regelnummer] De meltheit van der Gods geneden, Ga naar margenoot+Opdat gi willet onderstaen Vor mi te biddene ende ontfaen In u gedinge, maget wert; Want alles dis dat gi begert, 1935[regelnummer] Dis es u onstech ende hout Die Got, die alles heft gewont. Nu biddet dan, wel sute maget, Hem din gi also wel behaget, Dat hem ontfarme mire noet, 1940[regelnummer] Die ic nu doege vele groet Ende oc sal dragen harde swar Hirna noch harde menech ijar.’ - ‘Acharme’, sprac met dro(e)ven moede Doe weder dus Lutgart die goede; 1945[regelnummer] ‘Wel sute here, en sidi dan Daer al die werelt hovef dede an Ende oc van Gode wart verheven So hoge, dat u was gegeven Te rekkene al die werelt wijt? 1950[regelnummer] Hoe quam dat gi dan uwen tijt Bestadet so kaitivechlike, Dat gi din suten hemelrike En moget noch genaken nit, Mar pine swar ende oc verdrit 1955[regelnummer] Alnoch om uwe sonden doeget, Gelijc dat gi mi nu betoeget?’ Antwerde gaf al sonder beide Die sile weder ende seide: ‘Te rechte, vrowe, u wondert dis 1960[regelnummer] Dat ic so dul was ende ris Ga naar margenoot+Dat ic verdinde derre wraken; Iedoch, drie sonderlinge saken Si daden mi dat ic ontfa Die pine groet, daer ic in sta; 1965[regelnummer] Dat sijn drie commerlike sonden Daer ic was lange met gebonden In minen live, maget reene, So groet dat igewele allene Der hellen pine werdech maket 1970[regelnummer] Die siele, daer si toe geraket; Daer waric toe gewiset oc Dis ikker toe mijn herte ontploc Ende in genugten die ontfinc; Mar eene vromelike dinc 1975[regelnummer] Geschide mi in minen dagen Dis ic en darf mi nit beclagen Al noch dat het mi es geschit; Want na dat mi mijn herte rit, So dedic enen closter stichten 1980[regelnummer] Daer ic in gaf van minen ghichten In onser suter Vrowen eere, Die ic van herten minde sere. Dat stont mi harde wel in staden; Want si, die vol es van genaden 1985[regelnummer] Ende oc te helpene es gereet Altoes hen allen die si weet Dat hare dienen sonder wanc, Si mi verwarf, dis hebbe danc, Eer ic volquam te minen inde, 1990[regelnummer] Dat ic mi selven wel bekinde Ga naar margenoot+Ende oc die sonden alle drie Versach, daer ic tevoren nie Te bichten af en was gegaen; Oc hevet si mi doen ontfaen 1995[regelnummer] Daeraf van rowen ene smerte Eer ic verschit, die mi dat herte Dorginc met eenen groten sere Bi der gewelt van onsen Here, Dat ikker af te bichten ginc; 2000[regelnummer] Also warbi dat ic ontfinc De gracie van der Godes hulden, Die ic met minen groten schulden, Als ic u seide aldaer tevoren, Wel langen tijt hadde al verloren. 2005[regelnummer] Aldos so benic, vrowe, ontfaren Dengenen die daer comen waren
[pagina 24]
Om rui te trekkene altehant Ter hellen wert, din mi ontfant Die Godes moeder, onse Vrowe. 2010[regelnummer] Oc hevet si wel grote trowe Alsent getoget ane mi; Ic mach u seggen, maget vri, In wat maniren ende hoe: In din dat si mi hevet toe 2015[regelnummer] Verworven dat ic mochte nu Hir selve comen togen u Din swaren commer ende groet, Ende oc die ijammerlike noet Die mi verwegt in allen sinnen 2020[regelnummer] U mochte, vrowe, doen bekinnen, Ga naar margenoot+Ende oc u selven bidden dis Dat gi, die hebbet uwen kis Van allen din dat gi begert, Magt utvercoren ende wert, 2025[regelnummer] Te Gode badet dor genade Dat hi it loessenessen dade Mi armen ende mi kaitiven, Die sal in pinen moten bliven Tote op den ijoncsten doemesdach; 2030[regelnummer] Dis mi failliren nit ne mach, Hen si dat gi mi wilt beijagen En deel afflaets van mire plagen. Dis manic u bi selker trowen Die gi sijt schuldech onser Vrowen, 2035[regelnummer] Die mi hir sendet omme dat Dat ic dis hebben sal te bat, Dat gi, die sijt van machte rike, Mi staet in staden vromelike Met uwen beden, so dat mi 2040[regelnummer] Die pine swar gecortet si, Die ic wel lange doegen moet. Mar wildi weten, maget goet, Welc sijn die sondelike saken? Hort hare, ic salse u cundech maken, 2045[regelnummer] Die ic ontgelde nu so sware.’ Doe ginc hi saen betogen hare Die dri mesdade al ut ende ut, Die sent Lutgart, die Godes brut, Oc oppenbarde al uten gronde 2050[regelnummer] Din goeden man met haren monde, Ga naar margenoot+Die hare vite sent bescreef, Daer in te seggene achter bleef Welc dat si waren die mesdade. Mar dat was al gedaen met rade. 2055[regelnummer] Wetti warumme het was gedaen? Wildi, ic saelt u doen verstaen: Die goede man, diet achter lit Te seggene, hine wilde nit Van also sondeliken saken 2060[regelnummer] Din pans te nimaren maken; Daromme latic achter nu Die saken oc te seggene u; Want dat men van din paus seide Warbi dat sine werdechheide 2065[regelnummer] Besmettet worde, en vugde nit. Daromme dat al achter lit Die vroede man, die iacobijn, Die tirst volmakede in latijn Der vrowen vite; oc latic dat 2070[regelnummer] Te seggene u, want vele bat Dis swigen mi nu dunket vugen. Dis motti laten u genugen Dat selve dat ghijs hebt gehoert. Wildi nochtan, ic seggu voert 2075[regelnummer] Hoe si van een gescheeden sijn, Die sile ende oc die maget fijn. Tirst dat die sile in derre wise Getalet hadde, es si wel lise Al sonder beide enwech gecregen. 2080[regelnummer] Doe ginc Lutgart van irsten plegen Ga naar margenoot+Wel starker beden over hare; Want dat dis wel te doene ware Si hevet over waer vernomen. Oc es Lutgart, die vrowe, comen 2085[regelnummer] Dis anders dages na den sede Betide in die kapittelstede Ende allen din ijonfrowen daer Heft cont gemaket ende maer Gestadelic met groten gome, 2090[regelnummer] Dat doet die paus was van Rome, Daer die ijonfrowen min no mere En wisten af; oc bat si sere Din nonnen dat si allegader Die sile hars gheestelikes vader 2095[regelnummer] Van harre pinen swar ontloeden Met beden ende in staden stoeden Getrowelike sonder wanc: Want si dis souden hebben danc Van Gode ende oc van onser Vrowen, 2100[regelnummer] Waert dat si dat met goeder trowen Ende oc met goeden wille daden, So dat het mochte staen in staden Der silen, die so was verswart. Oc heft die maget fijn, Lutgart, 2105[regelnummer] Al hare macht daer toe gedaen, Warbi si mochte in staden staen Dis paus silen Innocents Ende ave coepen dis torments En deel, daer si om hare sonden 2110[regelnummer] So vaste mede was gebonden. Ga naar margenoot+Si ginc te hant met disciplinen Har lijf castiön ende pinen Ende oc met moruliken tranen Der silen Gode so vermanen 2115[regelnummer] Wel dikke ende oc wel menechfout Dat hi, die alles heft gewout Ende oc beschikket alle dinc, Lutgarden bede gerne ontfinc Over der silen pine swar. 2120[regelnummer] Dat darric seggen over waer,
[pagina 25]
Want Got bi sire ontfarmechheide Lutgarden noit nit nonsseide Van selken dingen; mar te hant Gereet si allewege vant 2125[regelnummer] Dat si van Gode wilde ontfaen: So hevet si oc nu gedaen.	[tekstkritische noot]1857 l. pardoen. - 1890 l. jugeerde. voetnoot1 Innocentius III, geboren 1161, overleden 16 Juli 1216. Hij was paus van 1198 tot 1216. margenoot+ f.37v^o. margenoot+ f.38r^o. [tekstkritische noot]1916 l. hoefdede. Zic Mnl. Wdb. op hoveden, le Art. margenoot+ f.38v^o. margenoot+ f.39r^o. margenoot+ f.39v^o. margenoot+ f.40r^o. [tekstkritische noot]2086 hs. Betide in tide.... margenoot+ f.40v^o. margenoot+ f.41r^o. margenoot+ f.41v^o. margenoot+ f.42r^o.

Vorige Volgende

VIII. Van den paus Innocentiuse die te hare quam tire wilen dat hi verschit.