Middelnederlandse geneeskundige recepten

446.

¶ Venkel water es goet die in sochte ligghen, want het maect ouertullige coude; daeromme verbiedent die meestere yement te nutten van binnen, hij en ligh in ouertolleghe hitte. Het es oec goet den ghenen die haer hoet zwert van hitten of van humoren die vpwart slaen, maer daer moet polleie toe ghedaen sijn. Oeck es dat water goet in die oghen dair alle maniere van zeere in comt want het es¹⁶⁰ cout. Ende oec es het goet den ghenen die quade borst hebben daer si groete [seer] in hebben, mede bestreken.

160 Na es staat in het Hs. de.