Middelnederlandse geneeskundige recepten

866. Dit maket goet sien.aant.

Nem sceluort, ende venkel, ende stoet te gader ende doet dertoe drie deel seems, ende laet ripen ende doetet in dijn oghe. Item nem venkel sap, scelwort sap, ende vrouwen sponne, elc euen vele, doetet te samen ende laet staen claren ende ghietet of: dat claer laet drupen in dijn oghe. Item nem ruten sap ende wijn edic ende seem elc euen vele te samen ghemenghet, ende doetet in dijn oghe. Item nem sindouwe, ende maec derof water ende doetet in dijn oghe. Nem scapen galle, ende scelwort sap meer dan galle, ende menghet te samen, dat verdriuet die vlec of wit vanden oghe.