Middelnederlandse geneeskundige recepten

867. Item ten seluen.

Nem vrouwen sponne ende wit vanden ey te gader ghetempert, ende nem dan wolle ende netse daerin, ende leg dan die wolle op dat oghe: dat verdriuet die smerte vanden oghen. Item nem ey doren, ende eppe, ende nuterium, ende stoet dit te samen ende maec ene salue, ende zalue daer mede [fol. 78^r] dijn oghen als du slapen⁷³ gaes, so vergaet di dat rode vanden oghen die bloedich sijn ende onreine.

73 slapen] het Hs. heeft slapes.