Der IX quaesten
(1528)–Anoniem IX quaesten, Der–
Auteursrechtvrij
[Folio F3v]
| |
 | |
¶Hoe de coninginne dede Iudam halen wter zee.Die coninginne des en conde gheen kinder crigen bi haren man, so lachse op een tijt tertinnen ende sach ter zeewaert in, ende daer sachse comen drijuen een vatken ten oeuer waert, dwelcsi dede terstont wten water op brenghen, ende dedet openen, ende sach datter in | |
[Folio F4r]
| |
lach een schoon ionge sone, dwelc was Iudas scharioth. Als die coninghinne dat sach seyde si Och lasen mocht ic mijn volck wijs maken dat dit ware mijn kint het soude sijn een groote blijdschap in dlandt Doe maectese haer terston oftse swaer ghynck van kinde. Ende corte tijt daer na so maecte si den volcke wijs datse gheleghen was van Iudas. Ende als si dit een wijle bi hair ghehouden hadde, so dede sijt eerlijcken voetsteren ende opbrengen ghelijc haer eyghen kint ende si haddet seer lief ¶ Hier na gheuielt op eenen nacht dat die coninginne ontfinck van haren man den coninc. een kint, daer si na .ix. maenden af verlost wert. |
|