De fragmenten van De tweede Rose

De fragmenten van De tweede Rose(1958)–anoniem Rose, Die



[p. 87]
6. Tekst Fragment Ab I + So dat si bleken van verren Jegen die sonne alst varen sterren2 Dese cierheit ende menege ene Beede van goude ende van steene 5 Mochtemen sien an die ghesmiden Voren achter ende besiden Ende meer dan ic gesegghen can Die ionchere dar ic af began Entie welghedane beede 10 Waren ghecleet van enen cleede Dat was van enen samite roet Wel ghescepen ende groet Al gheuoedert met hermine Al omme gespanget met sabeline14 15 Elc adde vp toeft enen hoet15-6 Van roden rosen die hem wel stoet Mallic adde andren beuaen Jn sinen armen sonder waen Ende custen mallic anders mont 20 Wel .xl. waruen in corter stont Ende darna songen si dit liedekijn Lief ic bem dijn ende du best mijn Nu doe met mi al dijn geuoech Alsic dit horde ic verdroech24
[p. 88]
25 Een diep versuchten ic vernam Van mire herten dat al vulquam26 Dicke pensdic ende dochte God of ic so singhen mochte Metter wareit als dese tuee 30 Sone wildic droeuen nemmermee Mar neenic niet dies ebbic rouwe31 Die jongelinc entie joncfrouwe Quamen vort den rechten pat Te mi ghereden dar ic sat 35 Ende quedden mi ghemeenlike Met soeter stemmen houeschelike Ende ic andworde hem bi staden God onse here bi siere genaden Laet v beeden lange leuen 40 Jn dese bliscap sonder sneuen Elc dancte mi so hi best mochte Jc pensde dat ware al elfs gedochte42 Alsic dat wonder al besach Dat an hare gewaden lach 45 Dies ic hem gode noemen horde45 Doe verbouddic metten worde Ende bat hem dat si rusten quamen Si andworden mi tesamen Ende seiden dat sijt gerne daden 50 Die jongelinc was wel beraden + Ende beette neder vp die erde Ende nam die scone vele werde Vriendelike in sine arme beide Ende hiefse bouen vten ghereide 55 Ende settedse in die blomen reene Dar ghinghen wi sitten algemeene
[p. 89]
Neder in dat scete cruut Ende horden na dat soete luut Vanden voglen menechfout 60 Die rioterden in dat wout60 Die joncfrouwe scheen goedertiere An hare gedane an hare maniere Dochtesoe mi gheliken hare Daric omme leue in groten vare 65 Ende heuet gheseit scaec ende mat65 Dies ionstic hare vele te bat Als recht was in allen saken Aldus saten wi ende spraken Harentare van menegher dinc 70 Ten ioncsten sprac die iongelinc Bi gode clerc wart v bequame So wistic gherne vwen name Ende uwe geburte eer ghi mi lijt73 Ende wanen ghi comt of war ghi rijt 75 Jc seide jonchere so mogedi wale Jc heete minre met groter quale Mine gebuerte moghedi horen Jn vlaendren so wasic geboren Mar hier int lant ebbic ghesijn 80 Min dan .j. iaer een lettelkijn Ende come ghereden van aluerioene Van mire herbergen daric wone Jnt foreest te merghene mi Als eender minre eygin vri84 85 Ende haer dienstman toter doet Nu ebbic v geseit al bloet Dies ghi mi vraget hedeneere Nu wistic gherne scone ionchere
[p. 90]
Dat selue van hu wart v lief 90 Wildijt mi segghen sonder brief90 Hi seide iaic ouer gherne Sint dats v niet staet tonberne92 Jc heete jolijs ende anders niet Die scone die ghi hier met mi siet 95 Es geheeten florentine Dor hare hebbic menege pine Ghedoget ende menegen toren Van desen lande sijn wi gheboren Van edelen lieden ende vrien 100 Wanen wi comen willic v lien + Wi comen rechte van chyteroene Dats ene stede van oghen doene Dars mijn vrouwe venus die godinne103 Die haer gebot heuet ande minne 105 Jn die vrouwen sonderlinghe Heuet ghesticht har woninghe Ende hare sone cupido Die god der minnen es also Ende heuet dar ouer sinen ban109 110 Niet in die vrouwen mar in die man Daer wonen si met groten loue Binnen haerre beeder houe Hebbic gedient wel .vij. iaer Dat seggic v al ouer waer 115 Dies souden ons oec helpen lyen Dat seggic v bi gode den vrien Vele liede waers te doene Ghereden comen wi van chyteroene Chyteroen es ene campaenge 120 Jn een foreest vp ene montaenge Die so steil es ende so hoghe
[p. 91]
Dat men cume met enen boghe Daer vp ghescote van dar onder Daer bouen vp es menech wonder 125 Van al der sconede ende rijchede Die wesen mochte in enege stede Daer heuet hare meeste huus Ghefondert mijn vrouwe venus Die godinne es ende coninginne 130 Bouen alre vrouwen minne Ja dat geene es so rike No so machtech in erderike No te porte no te lande133 Maer wilsoese met haren brande134 135 Schieten of met haren strale Soene blijft in der minnen quale136-7 Emmermeer salsoe ghenesen Dat moet bi haren sone wesen Dat es mijn here cupido 140 Die god der minnen es also Ende heueter ouer sinen ban Niet vptie vrouwen mar vptie man Ja datter geen es so machtech No so wijs no so bedachtech 145 No so dapper no so sterc Coninc prince leec no clerc Hine moet hem wesen onderdaen Ende sulke wonde van hem ontfaen Dat hem smert spade ende vroe 150 Mijn vrouwe venus ne holper toe + Ene halue mile van chyteroen Staet ene borch heet mongeroen Die scone ende hoghe es bouen mate Daer bouen heuet sijn ghesate 155 Mijn here cupido god der minnen
[p. 92]
Met hem heuet hi daer binnen Menegen riddre van maisnieden Daer hi ouer mach ghebieden Daertoe moneke clerke papen 160 Religieuse portren knapen Garsoene arme ende rike Die hem dienen daghelike Met eren ende met werdecheden Daer hijt ghebiet in allen steden 165 Dus hout hi hof van groten loue Jn sijn huus in sinen houe Hebbic ghedient dat es waer Langher dan .vij. iaer Dats mi worden sere te sure 170 Menege pine ende auenture Es mi ouer sint ghegaen Eer ic so vele adde ghedaen Dat ic ontfinc te minen lone Dese goedertiere dese scone 175 Die ghi hier bi mi sitten siet Mar mine pine clagic niet Sint dat ic hebbe mine werde Die ic vor alle dinc begherde Ende beghere so lanc so meer 180 Nu ne willic droeuen nemmermeer Mar nv willic metten bliden sijn Jc ende mijn soete minnekijn Ende varen spelen ouer al Ouer berch ende ouer dal 185 Met bliscepen al mijn leuen Ende onse here moete gheuen Dat alle die met trouwen minnen Sulken loen moeten ghewinnen Van minnen alsic ebbe ghedaen 190 Sone mocht hem niet bet vergaen j C segghe amen scone jonchere191
[p. 93]
Sint ghi desen groten here Hebt ghedient dus langhe stont So es v wel worden cont 195 Der minnen aert ende hare nature Ende hoe soe werden moet te sure Elken man die wille ghewinnen Ere ende vrome van siere minnen Nu biddic v dor uwe doghet 200 Dat ghi mi segt of ghi moghet + Die auenture van vre minnen Jc hope ic sal daer ane bekinnen Wat minne si ende hare maniren Ende hoe jcse sal anthieren 205 Dat ick bliscap af gewinne205 An hare die jc met trouwen minne j Onchere jolijs gaf mi andworde Ende seide vrient met soeten worde Dese bede wat soes gesciet 210 Sone willic v ontseggen niet Dor geene pine want gi scijnt Van minnen siec ende sere gepijnt Ende mi oec ontfarmt vre quale Nu vernemt mine tale 215 Jc hope het sal v wesen goet Keerdi dar ane vwen moet Jc dancte hem ende hi began Die tale die hier volget an j Nt. .xx.ste jaer van mire ouden 220 Den pointe dat begint verbouden Minne ende te heeschene haren tsens Van iongen lieden hare ende ghens Dat was in meie .xij. daghe Dat beede bosch ende haghe 225 Met groenen loueren sijn beuaen Ende men sach die bloemen staen Van scoenre varwen ouer al
[p. 94]
Beede vp berge ende int dal Ende alle creaturen blide 230 Waren vanden soeten tide Wasic eens marghins vp gestaen Eer die sonne vp was gegaen Ende ghinc mi meyen in dat gras Jn ene mersch dart scone was 235 Dar vernamic grote deduut Ende reet dor menech soete cruut Dat daer stont vort ende weder Jc ghinc vp ende jc ghinc neder Daer mi de stede best bequam 240 So verre dat ic gaende quam Vp ene riuiere scone ende diep Die wijt was ende sere liep Vptie graueele claer ende reine Een lettel minder dan die seine 245 Jn beeden siden vptien hoeuer Stonden bloemen goeden coeuer Van scoenre varwen meneghertiere Jc ghinc sitten vptie riuiere Ende duoech mine oghen ende mine hande 250 Jc keerde weder vp te lande + Met ere naelden seluerijn So bestic die mouwe mijn Vaste ende nauwe an mine hant253 Lancs der riuieren vpten cant 255 Daer lustelic ende scone was255 Ghinc ic neder minen pas Merkende die grote sconede Vanden watre ende vander stede Die soeter wesen niet ne mochte 260 So lange ghinghic in dit ghedochte Bider riuieren vp dat sant
[p. 95]
Daric in minen weghe vant Enen vergier scone ende groene Die rike was van sconen doene 265 Scoenre ne sach nie man Die ter werelt ie lijf ghewan Fier was hi wijt ende ront Al omme ghemuert dar binnen stont Menech scone boem ghegroit 270 Scone ghelouet ende ghebloit Daer vp hordic groet gheclanc271-2 Vander voghelinen zanc Die daer songhen inden vergiere Elc ende elc in sine maniere 275 Die muer oec sonder eneghen waen Die den vergier adde omme ghegaen Coste te werkene meneghe marc Hoghe was hi ende starc Ghemaect al bi compassure279 280 Beede van goude ende van asure Was hi vertrocken al omtrent281 Van bouen tote ant fondament Meneghe rikelike pointure Was bescreuen anden mure 285 Behendelike bi mire trouwen Van marbre stonden daer ghehouwen Alomme gaende beelden tiene Die leelic waren in anesiene Ende ondadech ende fel 290 Sijns ambachts was hi meester wel Die so properlike elke figure Conste maken na hare nature Ende bouen hem stont ghescreuen Wat namen men hem soude gheuen
[p. 96]
295 Eerste beelde hatie was295 Dies titel daer voren las296 Dat soe die altoes beghert297 Al dat haren viant dert Of mach scaden cleene of groet 300 Ende dicke bringet soene oec ter doet	+ i r^o a 2 varen, 1. waren. 14 gespanget, ‘omboord’; niet in Mnl. W.; verg. ald. i. v. spange de bet. ‘omsluitende lijst’ (slechts één voorbeeld uit de Walewein). 15-6 verg. Floris ende Blancefloer 2884-5; ook Rose (van H. van Aken) 535-6, 779-80, 849-50. 24 ic verdroech, ‘ik kreeg een kleur, er ging een schok door mij heen’ of iets derg.; het Mnl. W. kent verdragen in deze toepassing niet; wel geeft het een voorbeeld van transitief gebruik: ‘soe verdroegh sere haren mont’ verg. voor een tweede voorbeeld Al 914. 26 dat al vulquam, ‘dat ten einde toe werd uitgezucht’; verg. voor andere vbb. in verband met zuchten Mnl. W. 9, 847-8. 31 Maer neenic niet: verg. Ab 2, 273 en Al 933. 42 gedochte, l. gedrochte. 45 dies, ‘totdat’; het Mnl. W. 2, 178 geeft, behalve de plaats die hier Bl i, 148 is, nog slechts één voorbeeld. + i r^o b 60 rioterden (d.i. rioteerden), ‘maakten een vrolijke drukte’; niet in Mnl. W. 65 ‘en die mij tot een verloren man heeft gemaakt’ (zie Mnl. W. 7, 221). 73 uwe geburte, ‘de plaats waar gij vandaan komt’; in deze bet. niet in het Mnl. W. eer ghi mi lijt, ‘voor gij van mij weggaat’. 84 minre, l. minnen; verg. Ab 2, 177. 90 sonder brief, ‘onverbloemd’; verg. Al 149 en Mnl. W. i, 1438 (twee plaatsen, uit Reinaert en Troyen). 92 ‘omdat gij dat best moogt weten’. + i r^o c 103 Dars, l. Dar. 109 ban, ‘rechtsmacht’. 133 ‘noch in de stad, noch op het land’; verg. Sp. d. Sonden 8816: ‘te lande ende ter poort’. 134 soe: nl. Venus. 136-7 soe: nl. de door Venus getroffen vrouw. + i v^o a 191 amen, verg. Al 849; geen vbb. van zodanig gebruik in Mnl. W., maar verg. B.v. Couchy (fragm. A) r. 476. + 1 v^o b 205 af gewinne, ‘verkrijg’; in deze verbinding met an niet in Mnl. W. + i v^o c 253 Vaste ende nauwe: deze verbinding lijkt mij karakteristiek voor onze dichter; verg. Al 441, 723 en 766. 255 Daer, 1. Daert. 271-2 verg. Rose (H.v. Aken) r. 9397-8. 279 bi compassure, ‘met grote nauwkeurigheid (of regelmaat)’; niet in het Mnl. W.; fr. par compasseüre. 281 vertrocken, ‘overtrokken, bedekt’. 295 Eerste, lees dEerste. 296 ‘het opschrift daarvan deelde mee’. 297 Dat, 1. Dats.

Vorige Volgende

De fragmenten van De tweede Rose (1958)

6. Tekst

Fragment Ab I

Over dit hoofdstuk/artikel