De fragmenten van De tweede Rose
(1958)–anoniem Rose, Die[p. 112] | |
Fragment Bj
Ic hebbe ouerlanc ghesijn
In dit bedde daer ic ne mach3-4
Rustt hebben nacht noch dach4
5
mM et sulken rouwe met sulker clage
mM et Saltu den nacht al toten dage
Ouer liden dat seggic die
Kendic der minnen sede nie
Maer oftu danne ne moges niet
10
Langer liggen in dit verdriet
Du salt op staen ende di gereden
Cousen scoyen ende cleeden12
Eeer du sies die dageraet13
Ende gaen henen dats mijn raet
15
Stillekine alst ware een dief
Ten huus wert daer du heues een lief
Als du daer voren comen best
So saltu sien oest ende west
Of di niemen heuet gesien19-25
20
Ende siestu niet ganc vort mettien
Tote du comns ter achter dore
Daer saltu stille bliuen vore
Of di oec pinet ende doet wee
Regen hagle went ende snee24
| |
[p. 113] | |
25
Vant tasten of si es besloten
Sonder horten ende sonder stoten26
Vintstuse besloten so saltu gaen
Ter vorder dore daer saltu staen
Ende horken of si alle slapen
30
Here vrouwen ende knapen
Slaepen si ende duse hors in wake
Die di doet leuen met ongemake
Maecke dine clage vor die dore
So lude dat die scone hore
35
Ane dijn suchten ende ane dijn carmen
Dattu niene macht geharmen
No gerusten dor haren wille
Die di torment lude ende stille
Hare sal ontfarmen diere smerten
40
Si en si alte hart van herten
+ Alstu dan aldus heues gedaen
Soutu thuus wert keren saen
Maer cusse die porte daer si es inne
Eer du gaes dor hare minne
45
Ende emmer wacht hoe soet gescie
Datti noch man noch wijf ne sie
Daer bi nachte gaen noch keren
Oftu wilt wachten haerre eren
Dustaen keren dustaen gaen
50
Dustaen waken spreken staen
Sal di doen margin dijn vel51
Onder diin cleet dat wetic wel
Dit saltu sniemen wel bekinnen
Want die forche van der minnen
55
Ne laet ne genen minre fijn
Vet of wel geuarwet sijn
Dese geliken niet den gone
Die valscer minnen sijn gewone
| |
[p. 114] | |
Ende ommegaen met haren liegene
60
Om die vrouwen te bedriegene60
Met haren valscen buseloren61
Ende seggen hem dat si verloren62
Hebben eten ende drinken
Doer hare minne daer si omme dinken64
65
Nochtan sie ic dat si siin
Vetter dan gemeste swijn
vV oert soutu wesen goedertiere
vV Jegen diins selfs cameriere68
Coep hare cleeder ofte scoen
70
Of ander scoenheit na hare doen
So dat si bidde dine lieue
Dat si di in hare herte brieue72
Ende segge dat si di heeft vonden73
Goet ende houesche te meneger stonden74
75
Dijn lief ende alle diese minnen
Ende die hare heimelichede kinnen
Saltu vordren in elke stede
Ende doen hem ere ende werdichede
Daer machti vordeel groet af comen
80
Als die scone heeft vernomen80
+ Vter gheburten wat soes ghesciet
Ne saltu di verueren niet82
Want die van vor ogen es
| |
[p. 115] | |
Es teer vergheten des siit ghewes
85
Nameliken van den vrouwen
Dies mach elc die waerheit scouwen
Want si wandel sijn van sinne
Ende ongestade ane die minne
Heefstu noetsake so groet
90
Dattu moets varen dor die noet
Van dinen liue in vremden lande
Laet hare bliuen tenen pande
Herte ende sin ende dine trouwe
Dattu hare wesen sout getrouwe
95
Ende pinen omme weder keren saen
Als dine besichede es gedaen
Als du dan weder comen best
Ganc te hare dat dinct mi best
Of eer du leges of eer du sits99
100
Of eer du drincs of eer du ...... s100
So laet oftu waers vererret101
Dattu so lange heues gemerret
Ende soec ontsculdenesse dats mijn raet103
Ende daer na vrach om haren staet104
105
Ende ontdec oec hare den dinen
| |
[p. 116] | |
Ende dan genes vander pinen106
Daer du om hare heues gesiin
Nv heefstu die gebode mijn
Van minen monde hier gehort
110
Nv vandse di te houden vort
Oftu wilt van diere minnen
Bliscap ofte goet ghewinnen
aA ls ic van der minnen gode
aA Hadde gehort al sine gebode
115
Jc seide here nv maect mi wijs
Of ghijt gebiet in welker wijs
Enich minre gedogen mach
Sulke pine nacht ende dach
Ende also menegen arbeit
120
Als ghi mi hier hebt geseit
+ Want mi wondert vtermaten
Dat seggic v bi caritaten122
Hoe enege herte waerse hart van stale
Mach geduren in sulker quale
125
Jn sulc torment in sulker hellen
Alsic v mi doe horen tellen
dD er minnen god andworde mi
dD Ende seide vrient dat secgic di
Hen mach niemen hebben goet
130
Hine besurt dies benic vroet
Besurde dinc men sere mint
Dan die men lichtelike gewint
Dus eest van desen namelike
Hen es pine diere gelike134
135
Minres pine want niet mee
Dat men osen mach die zee136
Dat si droge soude bliuen
Sone mochtmen tellen no bescriuen
| |
[p. 117] | |
Alt fernoy dat si gedogen
140
Die om getrouwe minne pogen
Sonder enich loes baraet141
Nochtan leefsi hoe soet gaet
Jn deser pine in deser noet
Die naturlic es so men seget144
145
Een mensche die inden carker leget
Onder die worme in dien stanc
Sonder aet ende sonder dranc
Hen ware allene dat men hem geeft
Water ende broet daer hi bi leeft
150
Also men den geuangenen pliet
Hine sterft om die pine niet151
Want hi hoept dat hi noch sal
Verwinnen al siin ongeual
Ende hi int ende sal ontgaen
155
Dus eest mettien die legt geuaen
Jn den kerker vander minnen
Hi hoept dat hi noch sal gewinnen
Int ende bliscap vor die noet
Dus weert die hope van hem die doet
160
Die hem geeft troest ende coenheit mede
|
|