Veelderhande geneuchlijcke dichten, tafelspelen ende refereynen (1977)

Veelderhande geneuchlijcke dichten, tafelspelen ende refereynen

(1977)–Anoniem Veelderhande geneuchlijcke dichten– rechtenstatus

Auteursrechtelijk beschermd

Vorige Volgende


[Van de May, ende vande schoone vrouwen.] Van den Mey, ende vanden schoone Vrouwen, een lustighe Dialogus ofte Twee sprake des Meesters, ende des Klercx de Klerck vraeght, ende de Meester antwoort, seer genoeghlijck om te lesen.
[pagina 164]
aant. Meester ick soude v geerne vraghen Woudt ghijt my maken vroet en wijs My dunckt ghy zijt zeer oudt van daghen, Want uwen baert is gheworden grijs, Wie soudy gheven den hooghsten Prijs, Bericht my dat in goeder trouwen Den May met haren bloeyenden Rijs, Oft de schoone waerde Vrouwen. Klerck ick sal v antwoort gheuen Schoone Vrouwen die zijn goet Maer als de May staet schoon verheuen, Soo doetse verheughen hart, zin, en moet, Hy brengt ons menigh Bloeysem soet, Alle dinghen doet hy verblijden, Alles wat den winter verdorren doet, Daerom prijse ick den May tot allen tijden. Meester den May en lake ick doch niet Maer ick blijve by de schoone vrouwen Zoo wie een vrouwelijck beeldt aensiet, Hy vergheet daer mede alle zijn rouwen, Vriendelijck zijnse int aenschouwen, Alle Vrouckens van zeden ghoet Die haer lichaem eerbaer kunnen houwen, Die zijn te prijsen voor eenigh ghoet. Klerck en sydy dan noch niet vroet Wat de edele May kan maken
[pagina 165]
aant. Menich vruchte zy wasschen doet, Daer wy af hebben de edele smaken, Wijn, ende Cooren doet zy gheraken, Daer hem de menschen af verblijden Noch prijse ick voor alle saecken, Den lustighen May tot allen tijden. Meester wilt ghy v dat altoos scheyden Vander edeler vrouwen zaet? Der Vrouwen minne wil ick verbreyden, Het gaet met my hoe dattet gaet, Zy zijn seer fier in haer ghelaet, Heusch, ende ghoedertieren Der Vrouwen minne gaet bouen maet, Hoe sou d'men yet beters kunnen versieren. Klerck segt my doch in wat manieren Soude ick scheyden vanden Maye Heeren en vrouwen gaen spancieren, Om te hooren der Voghelen gheschreye, Aldaer de Bloemkens menigherleye Ende oock wijde staen ontloocken In Haghen, in Bosschen, ende in valaye, Sy gheuen daer soo soeten roocken. Meester wat macher doch soeter sijn Dan een vrouwelijck beelde ghestadigh Vriendelijck zijnse int aenschijn,
[pagina 166]
aant. Oock sijn de Vroukens seer ghenadigh, Al waer haer man teghen haer misdadigh, Met deughden souden zy t'al verwinnen, Van natuyren zijn zy beradigh, Hierom staen zy in mijnen zinnen. Klerck en wildy niet bekinnen Als dat de Mey brenght sterck virtuyt Want wijse Meesters van Medecijnen, Halen alsdan haer beste kruyt, Aldaer zy menighe sieckte wt, Met haerde const weten te verdrijven De Mey brengt ons der Voghelen gheluyt, Hierom wil ick by hem blijuen. Meester en hebdy niet verstaen Hoe dat al de werelt was in dolen En haddet een suyuer maeght ghedaen, Wy hadden eewighlijck ghequolen, Vanden Heylighen gheest was haer beuolen Dat zy ootmoedigh soude wesen Zy droegh onsen Medecijn verholen, Die ons alleen heeft ghenesen. Klerck dat is mijn wel bekent Nochtans sal ick v weder komen Comt niet dat heylighe Sacrament,
[pagina 167]
aant. Al wt des schoonen Mayes blomen, Wijn en Cooren sal ick v noemen, Was een Vlas noem ick v mede God laet ons oock de Olye vromen, Als wy gaen ruymen dees aertsche stede. Meester nochtans moet ghy nu lijden Als dattet heylighe Sacrament Gheconsacreert en was tot gheenen tijden, Eer hem een suyuer maghet ontfing jent, Al wt den throon, d'eewighe Coning Van wien wy allen syn behouwen Noch prijse ick bouen alle ding, De over schoone eerbaer vrouwen. Klerc ick wil my nu verwonnen lyen Neemt heusschelick ghevaen Inde eere der reynder maghet Marien, Die wil ick wesen onderdaen, Want sy den May heeft wederstaen, Met haren Goddelijcken leuen En haddet een suyuer Maegt ghedaen, Soo waer de May bouen ghebleuen. Meester noch valt ghy my teghen Hoe wel dat ghy verwonnen zijt Op eenen tijt vant ick beschreuen,
[pagina 168]
aant. Aen eenen wandt, ghemaelt met krijt, Wie datter metter waerheydt strijdt, Int eynde sal hy blijuen bouen Hierom draeghter menigh grooten nijdt, Nochtans wil ick die vrouwen louen. Klerck dat is mijn seluen leet Dat ghy my ghevanghen hebt te handt Men ziet dat de May soo schoone steet En hare vruchten op dat landt, Maer de moeder Gods tsy u bekant, Ick en can my daer teghen niet verwaren Godt bescherme ons voor des vyants bandt, Ende brenghe ons inder Enghelen scharen. Finis.

Vorige Volgende