De sotte Gratias.
Om dat hier goede Collatie was,
Ende ick wel gestelt, was, gespelt, was getelt was
Voor een Bancketgen, aen een besletken,
Daert jongwijf Betken, Mayken Coletken,
Fray soodt oft briet, ic dancx haer ziet,
Anders waert outragie zy maect lecker pottagie,
Zy is geerne vro, alsoo ons Collatie was,
Benedicamus Domino Deo gratias.
Die dese spijse cochte, ende thuys brochte,
Die ick wel mochte, ende den dranck haelde,
Die door mijn keelken daelde, en soo putte en paelde,
Dat ick luttel betaelde, een fijne verstaelde
Vergulden naelde, wensch ic hem haec // vast,
Meerder dan kraeck // mast, noch meer t'zijnder baten
Alle die daer zitten, oft saten, droncken of aten,
Oft blijde ghelaten, God behoedse voor gaten,
Ja willense soo het Bagijnkens temtatie was,
Benedicamus Domino Deo gratias.
Lofhebbe ons Heere, want ic leere, dat elc hem
keere
| |
Te bidden seere, voor Backer ende Brouwer,
Voor Visscher ende Vleesch-houwer,
Ende voor Kernemelc-touwer,
Ende voor den Rijnschen Collenaer,
Voor al dat ziedt oft braet, oft hongher verslaet,
My wel verstaet, drinct eer ghy gaet
Soo hebt ghy aflaet, van allen misdaet,
Al segghe ic trondeken elck spoel sijn mondeken,
Fris als een Coster, met een Pater noster,
Soo sullen wy segghen: Laus Deo.
Want hier goede recreatie was,
Benedicamus Domino Deo gratias.
|
|
Auteursrechtelijk beschermd