Skiplinks

  • Tekst
  • Verantwoording en downloads
  • Doorverwijzing en noten
Logo DBNL Ga naar de homepage
Logo DBNL

Hoofdmenu

  • Literatuur & taal
    • Auteurs
    • Beschikbare titels
    • Literatuur
    • Taalkunde
    • Collectie Limburg
    • Collectie Friesland
    • Collectie Suriname
    • Collectie Zuid-Afrika
  • Selecties
    • Collectie jeugdliteratuur
    • Basisbibliotheek
    • Tijdschriften/jaarboeken
    • Naslagwerken
    • Collectie e-books
    • Collectie publiek domein
    • Calendarium
    • Atlas
  • Periode
    • Middeleeuwen
    • Periode 1550-1700
    • Achttiende eeuw
    • Negentiende eeuw
    • Twintigste eeuw
    • Eenentwintigste eeuw
De Vorsterman Bijbel (ca. 1528-1531)

Informatie terzijde

  • Verantwoording
  • Inhoudsopgave

Downloads

XML (13.01 MB)

tekstbestand






Genre

proza

Subgenre

bijbel / bijbeltekst(en)


© zie Auteursrecht en gebruiksvoorwaarden.

De Vorsterman Bijbel

(ca. 1528-1531)–Anoniem Vorsterman Bijbel–rechtenstatus Auteursrechtvrij

Vorige Volgende

§ Dat .xli. Capittel.

[afbeelding]

1

Ga naar margenoot+Nae twee iaren hadde Pharao eenen droom, Hem docht dat hi stont aent water,

2

ende dat wt den watere op clommen seuen fine runderen ende vet van liue, ende gingen weyden in broecachtighe plaetsen,

3

Ende daer clommen ander seuen runderen wt den watere, die waren onghestelt ende mager van liue, ende ginghen weyden aenden oeuer vanden watere Ga naar margenoot* in groeynde plaetsen)

4

ende die ongestelde runderen verslonden die seuen fine ende vette runderen,

5

Doen wert Pharao wacker. Ende hi sliep weder voort, ende hy sach noch eenen anderen droom, Ende sach dat seuen arenen wiessen wt eenen stroo vol, ende scoon,

6

Daerna sach hi seuen dunne ende versengde aernen op gaen,

7

Ende die seuen magere arenen verslonden die seuen groote ende volle arenen, Doen ontwaecte Pharao Ga naar margenoot* nader rust)

8

ende alst morgen wert was hi wt anxt verueert, ende sant wt, ende liet roepen alle die waerseggers van Egipten, Ga naar margenoot+ ende alle dye wisen, ende vertelde hen sinen droom, Maer als si bi hem geroepen waren so en was daer niemant diese Pharaoni bedieden conde.

9

Ga naar margenoot* Doen is eerst gedachtich geweest der schenckeren meester, ende seyde, Ic belide) mijn sonde,

10

als die coninck gram was ouer zijn dienaers, soo gheboodt hy, datmen mi ende den meester vanden backeren worpen soude inder geuanckenis Ga naar margenoot* vanden ouerste des heyrs)

11

Doen droomden wy beyde in eender nacht een yeghelic sinen droom, ende zijn eyghen bediedinghe hebbende van toecomende dingen,

12

Doen was bi ons een [kolom] Hebreeusch iongelinck des Ga naar margenoot* ritmeesters) knecht, dien verteldent wij, ende hi bediede ons onse droomen, een yegelick na sinen droom,

13

ende so hijt ons bediede, soo ist nv gheschiet, Want ick ben weder aen mijn officie gheset, ende dye andere is gehanghen aen die galghe.

14

Ga naar margenoot+Terstont ten ghebode des conincs is Ioseph wt der geuanckenisse gheleyt, ende sy hebben hem gescoren, ende als zijn cleederen verandert waren, hebben si hem voor den coninc gebrocht,

15

Doen sprac Pharao tot hem Ick heb droomen ghesien, ende daer en is nyemant diese mi bediede, ick van v hooren seggen, dat ghi die zeer wijseliken cont bedieden,

16

Ioseph, antwoorde, God sal Pharao gheluck laten segghen, ooc wel sonder mi.

17

Doen vertelde Pharao Ioseph dat hi gesien hadde, Mi dochte, dat ick stonde aenden oeuer van den water,

18

ende sach wt den watere climmen seuen runderen vet van liue ende fijn, ende gingen in die weyde int broec groeyende cruyden weydende,

19

Ende siet, na desen volchden seuen andere runderen dunne ende zeer onghestelt, magher van liue, Ick en hebbe in alle den lande van Egypten, niet alsulcken ongestelden gesien,

20

Ende die seuen maghere ende ongestelde runderen verslonden die seuen eerste vette runderen,

21

Ende als sise op gesloct hadden, Ga naar margenoot+ en ghauen si niet een teeken van versaetheyden, si waren al soo magher ende van soo quader ghedaente gelijck si te voren waren, Ende doen ick wacker werde, ben ick wederomme slapende geworden.

22

Ende noch eens sach ick eenen droom, dat seuen arenen wiessen op een stroo, vol ende zeer schoone,

23

daer na ghingen op seuen dorre arenen, dunne, ende versengt ende die seuen dunne arenen verslonden die seuen goede arenen,

24

Ende ic hebt minen waerseggeren gheseyt, ende niemant en isser van hen diet mi wtleyt.

25

Ga naar margenoot+Ioseph antwoorde Pharaoni, beyde die droomen zijn eenderley, wat God doen sal, heeft hi vercondicht Pharaoni,

26

Die seuen schoone ossen, ende die seuen volle arenen, zijn seuen vruchbare iaren, Ende dese twee begripen een crachte des drooms.

27

Ende die seuen dunne ossen ende maghere die achter hen op clommen, Ende die seuen dunnen arenen vanden brandenden wint versengt zijn seuen iaren van toecomenden hongere,

28

ende dieren tijt, die in deser manieren sullen veruult worden.

[pagina c4r]
[p. c4r]

29

Siet, seuen iaren sullen comen met grooter oueruloedicheyt in alle Egypten lant,

30

ende na dese selue sullen comen seuen iaren, van also grooter onuruchtbaerheyt, dat vergheten sal worden alsulcke oueruloedicheyt in Egypten lant, ende dien dyeren tijt sal verteeren dat lant,

31

datmen niet weten en sal vander oueruloedicheyt des lants, om des dyeren tijt sal verteeren dat lant, datmen niet weten en sal vander oueruloedicheyt des lands, om des dyeren tijts wille, die daer na coemt, want hi sal zeer swaer zijn,

32

Maer dattet Pharao ten anderen mael ghedroomt heeft, is een teeken der vasticheyt dat sulcke dinck van God gheschieden sal, ende God sal dat selue haestelijck doen.

33

Daerom sal nv die Coninck voorsien van eenen verstandighen ende wijsen man, dien hi ouer Egypten lant sette,

34

ende beschicke dat hi Officiers kiese inden lande, ende ontfanghe dat vijfste deel in die schueren, inden seuen oueruloedighe iaren,

35

die nv terstont wesen sullen, datmen opschutte alle dat graen onder Pharaos macht, inden steden, ende verwarent,

36

op datmen spijse besorcht vinde den lande, inden dyeren tijt van seuen iaren, die Egypten verdrucken sal, op dattet lant niet van armoede te nyete en gae.

37

Dese redene beuiel Pharao, ende allen sinen knechten wel,

38

ende Pharao sprack tot sinen knechten, Ga naar margenoot+ Sullen wi eenichsins mogen vinden sulcken man die vol si vanden gheest Gods?

39

Daerom seyde hi tot Ioseph, want v God alle dinghen ghethoont heeft, die ghi gheseyt hebt, en sal ick gheenen wijseren, ende ws ghelijcken moghen vinden?

40

Ghi sult Ouerste van minen huyse zijn, ende tot ws monts ghebot sal al het volck ghehoorsaem zijn, Alleen inden stoel des Rijcs sal ick v te bouen gaen,

41

Ende Pharao sprack voort aen, Siet, ick hebbe v ouer alle Egypten lant gheset,

42

ende dede zijn vingherlinck van zijnder hant, ende gaf Ioseph dien aen zijn hant, ende cleede hem met witter siden, ende dede eenen gouden halsbant om sinen hals,

43

ende hi liet hem op den tweeden waghen varen, ende liet voor hem wtroepen, datmen die knyen voor hem buyghen soude, dat si souden weten, dat hi ware die gheset was een Ouerste ouer alle Egypten lant.

44

Ende Pharao sprack tot Ioseph, Ick ben Pharao, Ga naar margenoot+ sonder uwen wille en sal niemant zijn hant oft sinen voet roeren in alle Egypten lant,

45

ende heeft sinen naem verandert, ende hiet hem inder Egyptse sprake Ga naar margenoot* den behouder der werelt,) ende ghaf hem een huysvrouwe Assenath, die dochter van Puthi-[kolom]phar die een Priester was inder stadt Ga naar margenoot* der Sonnen) Also trock Ioseph wt, om dat lant van Egypten te besien,

46

Ende hi was dertich iaren oudt, als hi voor Pharao stont, ende voer wt van Pharao, ende trock door alle tlant van Egypten.

47

Ende die vruchtbaerheyt der seuen iaren is ghecomen, ende die zaden zijn ghedaen gheweest tot schoouen, ende vergadert in die schueren van Egypten,

48

Ende die oueruloedicheyt des graens is vergadert in elcke stadt bysonder,

49

ende so groot is die oueruloedicheyt des graens gheweest, dat si den zande der zee gheleken is, ende bouen maten, ghinck die grootheyt des ghetals.

50

Ga naar margenoot+Ende Ioseph werden twee sonen gheboren, eer den dyeren tijt quam, die welcke hem baerde Assenath, die dochter van Putiphar Priester der stadt Ga naar margenoot* Heliopolis)

51

ende hiet den eersten gheboren sone Manasse, Want God (seyde hi) heeft mi laten vergheten allen minen arbeyt, ende al mijns vaders huys,

52

Ga naar margenoot+ Den anderen hiet hi Ephraim, Want God (seyde hi) heeft mi laten wassen inden lande mijnder ellenden.

53

Als nv die seuen oueruloedighe iaren om waren in Egypten,

54

begonsten die seuen iaren der armoeden te comen, daer Ioseph te voren afgheseyt hadde, ende daer wert een dyerte in allen landen, maer in alle Egypten lant was Ga naar margenoot* dyeren tijd,)

55

Als nv oock hongherde Egypten, riep dat volck tot Pharaonem, begheerende voetsel, maer Pharao sprack tot al die Egyptenaren, gaet henen tot Ioseph, dat hi v seyt, dat doet,

56

Als nv ouer alle landen die dyerte wassende was, ende den hongher, dede Ioseph op alle die schueren, ende vercocht den Egyptenaren, want den hongher hadde die oock verlast,

57

ende alle landen quamen tot Egypten, om spijse te coopen teghen Ioseph, om dat si tquaet der armoeden minderen souden.

§ Hoe Iosephs broeders in Egypten comen om graen te coopen. Ioseph hout hem straf, Simeon hout hi gheuanghen, dat ghelt in die sacken ghesteken, ende die vader en wilde BenIamin niet laten volghen.

margenoot+
A

margenoot*
ten is nyet int hebre

margenoot*
the. Ende sach dat eenen droom was

margenoot+
B

margenoot*
the. Doen sprack dye ouerste scencker tot pharao, ende seyde, ick ghedencke huiden.

margenoot*
th. int hoefmeesters huys.

margenoot*
the. hoefmeesters

margenoot+
C

margenoot+
D

margenoot+
E

margenoot+
E

margenoot+
F

margenoot*
the. Zaphnath Paenea, dat is den heymelijcken naesten raet.
margenoot*
the. On.

margenoot+
G
margenoot*
the. On Manasse, heet vergheten.

margenoot+
Ephraim heet die gewassene.

margenoot*
the. spijse.


Vorige Volgende

Footer navigatie

Logo DBNL Logo DBNL

Over DBNL

  • Wat is DBNL?
  • Over ons
  • Selectie- en editieverantwoording

Voor gebruikers

  • Gebruiksvoorwaarden/Terms of Use
  • Informatie voor rechthebbenden
  • Disclaimer
  • Privacy
  • Toegankelijkheid

Contact

  • Contactformulier
  • Veelgestelde vragen
  • Vacatures
Logo DBNL

Partners

Ga naar kb.nl logo KB
Ga naar taalunie.org logo TaalUnie
Ga naar vlaamse-erfgoedbibliotheken.be logo Vlaamse Erfgoedbibliotheken