Skiplinks

  • Tekst
  • Verantwoording en downloads
  • Doorverwijzing en noten
Logo DBNL Ga naar de homepage
Logo DBNL

Hoofdmenu

  • Literatuur & taal
    • Auteurs
    • Beschikbare titels
    • Literatuur
    • Taalkunde
    • Collectie Limburg
    • Collectie Friesland
    • Collectie Suriname
    • Collectie Zuid-Afrika
  • Selecties
    • Collectie jeugdliteratuur
    • Basisbibliotheek
    • Tijdschriften/jaarboeken
    • Naslagwerken
    • Collectie e-books
    • Collectie publiek domein
    • Calendarium
    • Atlas
  • Periode
    • Middeleeuwen
    • Periode 1550-1700
    • Achttiende eeuw
    • Negentiende eeuw
    • Twintigste eeuw
    • Eenentwintigste eeuw
De Vorsterman Bijbel (ca. 1528-1531)

Informatie terzijde

  • Verantwoording
  • Inhoudsopgave

Downloads

XML (13.01 MB)

tekstbestand






Genre

proza

Subgenre

bijbel / bijbeltekst(en)


© zie Auteursrecht en gebruiksvoorwaarden.

De Vorsterman Bijbel

(ca. 1528-1531)–Anoniem Vorsterman Bijbel–rechtenstatus Auteursrechtvrij

Vorige Volgende

§ Dat .xij. Capittel.

1

Ga naar margenoot+ENde die HERE sprack noch tot Moysen ende Aaron in Egypten lant,

2

Dese maent sal v zijn die eerste maent, ende van deser maent sult ghi luyden die maenden des iaers beghinnen,

3

Spreect tot alle die vergaderinghe der kinderen van Israel, ende segt tot hen, Inden thiensten daghe van deser maent, sal een yeghelijck nemen een lam Ga naar margenoot* door zijn huysghesinnen ende huysen)

4

maer ist ghetal te cleyn dattet mocht ghenoech wesen om een lam te eten, so sal hi nemen sinen naesten ghebuer tot sinen huyse, totten ghetale der zielen, datter ghenoech si om een lam te eten.

5

Het sal een lam zijn sonder smette, een manneken dat een iaer oudt is, Ga naar margenoot* Na der seluer manieren sult ghi oock nemen eenen ionghen bock.)

6

Ende ghi sullet behouden tot opten veerthiensten dach van deser maent, Ende die ghemeynte van Israel, salt des auonts Ga naar margenoot* offeren)

7

Ende dan sullen si nemen vanden bloede, Ga naar margenoot+ ende beyde die posten vander dueren ende den oppersten dorpel daer mede bestrijcken aenden huyse daer zijt inne eten,

8

Ende si sullen dat vleesch also eten, in dier seluer nacht, aenden vyere ghebraden, met ongheheefden broode, ende met Ga naar margenoot* wilde) lactouwe,

9

Ghi en sullet niet Ga naar margenoot* onghecoect noch) met water ghesoden eten, maer alleen aent vyer ghebraden, dat hooft metten schenckelen, ende dat inghewant, suldy haestelijck eten,

10

Ghi en sulter niet af ouer laten totten morghen, ende ist datter wat ouer blijft totten morghen, dat suldy met vyer verbernen.

11

Ende aldus suldy dat eten, Om uwe lendenen suldy geghort zijn, ende uwe schoenen aenden voeten hebben, ende stocken in uwe handen, ende ghi sullet metter haeste eten, want het is des HEEREN voorbiganck,

12

Ende ick sal inder seluer nacht, door Egypten lant gaen, ende alle die eerste gheboren van alle Egypten lant verslaen, Vanden menschen tot dat vee, ende aen alle den Goden der Egyptinaren sal ick recht doen, Ick die HEERE,

13

Ende dat bloet sal v een teeken zijn aenden huysen, daer ghi luyden in zijt, ende ick sal dat bloet sien, ende v voorbi gaen, ende die verderuende plaghe en sal v niet raken, wanneer ick Egypten lant slaen sal.

14

Ga naar margenoot+Ende ghi sult desen dach hebben in ghedenckenisse, ende ghi sulten den HEERE vyeren

[pagina d6v]
[p. d6v]

tot een feeste, ghi ende alle uwe naecomelinghen, tot eenen eewighen Ga naar margenoot* dienste,)

15

Seuen daghen suldy ongheheeft broot eten, inden eersten daghe en sal in v huys gheen gheheeft broot wesen, So wie gheheeft broot etet, vanden eersten dach aen, tot opten .vij. dach, diens ziele sal vergaen van Israel, Ga naar margenoot+

16

Den eersten dach sal heylich ende eerlijck onder v heeten, ende den seuensten dach sal eerlijck wesen met der seluer eerlicheyt, Ghi en sult gheen werck daer in doen, dan alleen dat der spijsen Ga naar margenoot* aengaet,)

17

Ende onderhout dat ongheheefde broot te eten.

Want recht op desen dach sal ick v heyr leyden wten lande van Egypten, ende ghi sult desen dach houden, ende alle uwe nacomelinghen in een eewighe ghewoonte ende maniere, Ga naar margenoot+

18

Ga naar margenoot+Ten veerthiensten daghe, der eerster maent des auonts, suldy ongheheeft broot eten, tot aenden eenen twintichsten dach der seluer maent, des auonts,

19

datmen in seuen daghen gheen gheheeft broot en vinde binnen uwen huyse, Want wie gheheeft broot etet, diens ziele sal vergaen wter ghemeynten van Israel, Het si een vremdelinck oft een ingheboren des lants,

20

Gheen gheheeft broot en suldy eten, In alle uwe wooninghen suldy ongheheeft broot eten.

21

Ende Moyses riep alle die ouders van Israel, ende sprack tot hen Ga naar margenoot* Gaet henen ende haelt een dier door uwe huysghesinnen, ende offert Phase,)

22

ende neemt een busselken Ysopen, ende doopet in dat bloet, dat Ga naar margenoot* inden dorpel is,) Ende besprenghet daer mede den ouer dorpel, ende die twee posten, die inden dorpel gheuesticht zijn, Ende niemant en gae tot zijnder huysdueren wt, tot aenden morghenstont,

23

Want die HEERE sal omgaen, ende hi sal die Egyptinaren slaen, Ende als hi dat bloet sien sal aen den ouerdorpel, ende aen beyde die posten, so sal hi voorby die duere des huys gaen, ende den verderuer binnen uwen huyse niet laten comen, om v te plaghen,

24

Daeromme hout dese wettelijcke maniere voor v, ende voor uwe kinderen tot inder eewicheyt.

25

Ende als ghi int lant coemt, dat v die HEERE gheuen sal, so hi gheloeft heeft, so hout dese maniere van doen,

26

Ende wanneer uwe kinderen tot v segghen sullen, Wat gheestelijcken dienst is dat?

27

So sult ghi segghen, Het is een offerhande des voorbigancs des HEREN, die den kinderen van Israel voorbighinck in Egypten, doen hi die Egyptinaren versloech, ende onse [kolom] huysen verloste.

Doen nijchde hem dat volck ende aenbaden,

28

Ende die kinderen van Israel ghinghen, ende deden also die HEERE Moysi ende Aaron gheboden hadde.

29

Ga naar margenoot+Ende het is gheschiet inder middernacht dat die HEERE versloech, Ga naar margenoot+ alle die eerste gheboren in Egypten lant, van Pharaos eerste sone aen, die welcke op sinen stoel sadt tot aen den eersten sone des gheuanghenen inder gheuanckenisse, ende alle die eerst gheboren des vees,

30

Doen stont Pharao op, ende alle sine knechten, inder seluer nacht, ende alle die Egyptinaren, Ende daer wert een groot gheroep in Egypten, want daer en was gheen huys daer gheen doode in en ware.

31

Ende Pharao, als hi des nachts Moysen ende Aaron gheroepen hadde, seyde hi, Gaet ende trect wt van minen volcke, ghi ende die kinderen van Israel, gaet ende doet offerande den HERE, so ghi gheseyt hebt,

32

Neemt oock met v uwe schapen, ende runderen, Ga naar margenoot+ so ghi begeert hebt, ende als ghi wech gaet, ghebenedijt mi oock,

33

Ende die Egyptinaren dwonghen dat volck, als dat si haestelijcken wt den lande souden gaen, segghende, Wi sullen alle steruen.

34

Ende dat volck droech dat rouwe deech, eer dat gheheeft was, Ga naar margenoot* ende bindende) in haere mantelen leyden zijt op haer schouderen,

35

Ende die kinderen van Israel deden also God Moysi gheboden hadde, Ende hadden vanden Egyptinaren gheeysschet silueren ende gulden iuweelen ende veel cleederen,

36

oock hadde die HERE den volcke ghenade ghegheuen, voor den Egyptinaren, dat si hen leenden, ende si beroofden Egypten.

37

Ende die kinderen van Israel zijn ghereyst van Ramessen in Sochot, Ga naar margenoot* omtrent) ses hondert duysent mannen te voet, sonder die kinderen ende vrouwen,

38

ende met hen trocken veel van alderley ghemeyn volck, ende schapen ende runderen, ende macht veel vees,

39

ende si biecken vanden rouwen deeghe, dat si wt Egypten brachten, ongheheefde asschen coecken, want ten was niet gheheeft doen si wt Egypten ghestooten werden, ende niet ghebeyden en consten, ende en hadden anders gheen teeringhe bereyt.

40

Den tijt dien die kinderen van Israel in Egypten ghewoont hebben, is vier hondert ende .xxx. iaer,

41

Als die selue iaren om waren, ghinck alle dat heyr des HEEREN op eenen dach wt Egypten,

42

Daerom wort desen nacht den HEERE ghehouden, dat hijse wt Egypten lant gheleyt heeft, ende die

[pagina d7r]
[p. d7r]

kinderen van Israel moeten hen den HEERE houden, si ende haer nacomelingen in haeren geslachten.

43

Ga naar margenoot+Ende die HEERE sprac tot Moysen ende Aaron, Dits de maniere van Ga naar margenoot* Phase) te houden, Gheen vremde en mach daer af eten,

44

Maer wie dat een gecocht knecht is, dien salmen besniden, ende dan sal hi daer af eten,

45

Een vremdelinc, ende huerlinc, en sal daer niet af eten,

46

In een huys salment eten, Ghi en sult van sinen vleesche buyten voor dat huys niet dragen, Ende ghi en sult gheen been daer af breken,

47

Al die gemeynte van Israel sal dit doen

48

Ende ofter een vremdelinck bi v woonen wilde, ende hi den HEERE, dat hoochtijt van Paesschen houden wilt, die besnide eerste alle dat manlijck is, ende bereyde hem dan daer toe, dat hi dat ete, ende si gelijck een ingeborene des lants, Want gheen onbesnedene en sal daer af eten,

49

Enderley wet si den ingeborene, ende den vremdelinge die onder v woont,

50

Ende alle die kenderen van Israel deden, alsoo die HEERE Moysi ende Aaron gheboden hadde,

51

Ende die HEERE leyde, op eenen dach, die kinderen van Israel, wt Egypten lant met haeren heyrscharen.

§ Hoe God gheheylicht woude hebben, alle dat vander moeder eerst gheboren wert, Die ghedachtenisse des wtghancs, hoe si door die woestine ghingen, ende si Iosephs gebeente mede droegen, Ende vander Callomne des viers ende der wolcken die voor hen ghinck

margenoot+
A

margenoot*
the. waer een vader des huysghesins is een lam tot eenen huyse i.Cor. v c.

margenoot*
th. vanden lammeren ende geyten. sult ghijt nemen.

margenoot*
the. slaen.

margenoot+
B

margenoot*
th. bittere.

margenoot*
ten is niet int hebre.

margenoot+
C
margenoot*
theb. ghebruycke.

margenoot+
Le. xxv.a. Nu. xxviij

margenoot*
h. aengaet voor alderley ziele dat selue moechdy alleen voor v doen

margenoot+
Le. xxiij.a. Nu. xxviij

margenoot+
D

margenoot*
h. soect wt ende neemt een schaep, een yeghelijck voor die sine ende slaet den Heere een paesch lam.

margenoot*
th. int becken is.

margenoot+
E
margenoot+
psa. lxxvij Sa. xviij b

margenoot+
psal. c.iiij. sa. xviij.b.

margenoot*
h. tot haerder spijse ghebonden.

margenoot*
ten is niet int heb.

margenoot+
G
margenoot*
Phase oft Passah hetet eenen ganc, daer om dat die HEERE in Egipten landt des nachts ginc ende versloech alle deerste geboren doot. Ioan. xix.


Vorige Volgende

Footer navigatie

Logo DBNL Logo DBNL

Over DBNL

  • Wat is DBNL?
  • Over ons
  • Selectie- en editieverantwoording

Voor gebruikers

  • Gebruiksvoorwaarden/Terms of Use
  • Informatie voor rechthebbenden
  • Disclaimer
  • Privacy
  • Toegankelijkheid

Contact

  • Contactformulier
  • Veelgestelde vragen
  • Vacatures
Logo DBNL

Partners

Ga naar kb.nl logo KB
Ga naar taalunie.org logo TaalUnie
Ga naar vlaamse-erfgoedbibliotheken.be logo Vlaamse Erfgoedbibliotheken