De Vorsterman Bijbel

§ Dat .xiij. Capittel.

1

⁺ENde Dauid hielt eenen raet metten hooftluyden ouer duysent, ende ouer hondert, ende met al den vorsten,

+ A

2

ende sprac totter geheelder gemeynten van Israel, Behaget v, ^* ende) vanden HERE onsen God ^* sal die reden wtcomen, die ic spreken sal) So laet ons ouer al wt seynden tot onsen anderen broederen, in alle den lande van Israel, ende met hen tot die priesters, ende leuiten, dye in die voorsteden woonen, dat si tot ons vergadert worden,

* the. ende ist

* Ten is niet int hebr.

3

Ende laet ons die arcke ons Gods weder halen tot ons, want bi Sauls tijden en versochten wise nyet.

4

Doen seyde dye gheheele ghemeynte, men soude also doen, want dat woort behaechde alle den volcke wel.

5

Alsoo vergaderde Dauid dat geheele Israel van Sichor van Epigten aen, ⁺ tot datmen coemt tot Hemath, ⁺ om die arcke Gods te halen van Kariath Iarim,

+ B

+ ij.reg. vi.a.

6

Ende Dauid trock op met geheele Israel totten hueuel van Kariathiarim welck in Iuda leghet, op dat hi van daer op soude brengen die arcke des HEREN, dye op Cherubim sidt, daer sinen naem aengheroepen is,

7

ende stelden die arcke Gods op eenen nieuwen waghen te voeren wt Aminadabs huys. Maer Osa ende zijn broeders dreuen den

[p. aa1v]

wagen,

8

Maer Dauid ende alle Israel speelden voor God, wt geheelder macht, met liedekens, met harpen, met psalteren, met tamboeren, met cymbalen, ende met basoenen.

9

⁺Maer doen si op die plaetse Chidon quamen, stack Oza zijn hant wt, om die arcke te houden, ⁺ want die ossen ^* verwent zijnde, boochdense een luttel ter siden wt,)

+ C

+ ij.reg. vi.a.

* the. schreden besiden wt

10

Doen vertoornde hem die HERE tegen Oza, ende sloech hem om dat hi zijn hant wt hadde ghesteken aen die arcke, also dat hi aldaersterf voor God.

11

Doen wert Dauid bedroeft, dat die HERE gedeylt hadde Oze, Ende hiet die plaetse Oze deylinge, tot op desen dach,

12

⁺Ende dauid vreesde God in dien dage, ⁺ ende sprack, Hoe sal ic dye Arcke Godts tot mi gebrengen?

+ D

+ ij.regum. vi.b

13

Daerom en liet hi die Arcke Godts niet tot hem brengen in Dauids stadt, maer hy keerdese in Obeds Edom des Gethithers huys,

14

Also bleef die Arcke Gods bi Obed Edom in zijn huys drie maenden, Ende die HEERE ghebenedide Obed Edoms huys ende alle wat hi hadde.

§ Van Hyram den coninc van Tyro, hoe hi tot Dauid boden sandt ende cederen hout, Ende van Dauids kinderen, die hem in Ierusalem geboren waren, Hoe Dauid die Philistinen verwandt.