Skiplinks

  • Tekst
  • Verantwoording en downloads
  • Doorverwijzing en noten
Logo DBNL Ga naar de homepage
Logo DBNL

Hoofdmenu

  • Literatuur & taal
    • Auteurs
    • Beschikbare titels
    • Literatuur
    • Taalkunde
    • Collectie Limburg
    • Collectie Friesland
    • Collectie Suriname
    • Collectie Zuid-Afrika
  • Selecties
    • Collectie jeugdliteratuur
    • Basisbibliotheek
    • Tijdschriften/jaarboeken
    • Naslagwerken
    • Collectie e-books
    • Collectie publiek domein
    • Calendarium
    • Atlas
  • Periode
    • Middeleeuwen
    • Periode 1550-1700
    • Achttiende eeuw
    • Negentiende eeuw
    • Twintigste eeuw
    • Eenentwintigste eeuw
De Vorsterman Bijbel (ca. 1528-1531)

Informatie terzijde

  • Verantwoording
  • Inhoudsopgave

Downloads

XML (13.01 MB)

tekstbestand






Genre

proza

Subgenre

bijbel / bijbeltekst(en)


© zie Auteursrecht en gebruiksvoorwaarden.

De Vorsterman Bijbel

(ca. 1528-1531)–Anoniem Vorsterman Bijbel–rechtenstatus Auteursrechtvrij

Vorige Volgende

§ Dat .xxiiij. Capittel.

1

Ga naar margenoot+ENde Iesus wt ghegaen zijnde vanden tempel, Ga naar margenoot+ zijn zijn discipulen tot hem gecomen, om dat si hem thonen souden die tymme ringhen des tempels.

2

Ende hi antwoordende, heeft haer gheseyt. En siet ghi niet al dese? Voorwaer segge ic v, hier en sal den eenen steen op den anderen niet gelaten worden, die niet gedestrueert en sal worden.

3

Ende sittende op dien berch van Oliueten, zijn zijn Discipulen heymelick tot hem ghecomen, segghende. Segghet ons, wanneer dese dinghen geschien sullen, ende welck teeken dijnre toecoemst zijn sal, ende der eyndinghe der werelt.

4

Ende Ihesus antwoordende, heeft tot haer gesproken. Siet dat nyemant v en verleye,

5

want daer salder veel coemen in minen name, seggende, ic ben Christus ende sullender veel verleyden.

6

Ende ghi sult hooren oorloghen, Ga naar margenoot+ ende geruchten van oorlogen, maer siet toe, dat ghy niet verstoort en wort. Want het is van noode dat alle dese dingen geschien, mer noch en ist gheen eynde.

7

Want dat een volck sal tegen dat ander volck opstaen, ende dat een rijck tegen dat ander rijc. Ende daer sullen zijn pestilencien diertiden ende aertbeuingen in plaetsen,

8

ende alle dese zijn beghinselen des droefenissen.

9

Ende dan sullen si v leueren in tribulacien, Ga naar margenoot+ ende sullen v dooden, ende om mijnen naem so suldi gehaet zijn van alle tvolck, Ga naar margenoot+

10

ende dan sullender veel ghescandalizeert worden, ende sullen malcanderen leueren, ende sullen malcanderen hatende zijn.

11

Ende veel valsche propheten sullen opstaen, ende sullender veel verleyden,

12

ende want die boosheyt oueruloedich sal zijn, soo sal die liefde van veel ver-[kolom]couden.

13

Ende die volstandich blijft tot den eynde, die sal salich wesen.

14

Ende dit Euangelie des rijcs sal in die geheel werelt ghepredict worden, tot een getuychnisse voor alle volck. Ende dan sal die eyndinge comen

15

Hier om als ghi sien sult die grouwelicheyt der verlatenisse, die vanden propheet Daniel geseyt is, staende in die heylige plaetse. Ga naar margenoot+ Die dit lesende is verstae dat,

16

dan die in Iudeen zijn vlien inde bergen,

17

ende die op dat dack is en climt niet af, om wat wt zijn huys te halen,

18

ende die inden acker is, en keert niet om, om sinen rock te halen.

19

Wee den ghenen die beurucht zijn ende voeden in dien dagen:

20

ende bidt dat v vliedinghe niet en gheschie inden winter noch opten sabboth.

21

Want dan sal een groote tribulacie zijn, welckens ghelijck niet gheweest en is vanden beghinsel des werelts, tot desen tijden toe, noch en sal gheschien.

22

Ende ten waer saecke dat die daghen vercort waren, daer en soude alle vleesch niet salich worden, mer om die wtuercoren sullen dye daghen vercort worden.

23

Dan, waert saecke dat yemant tot v seyde. Siet hier is Christus, ofte daer, en wilt niet ghelouen,

24

Ga naar margenoot+want valsche christen, ende valsche propheten sullen opstaen, ende sullen geuen grote teekenen ende voorteekenen, also dat die wtuercoren in dwalinghe geleyt souden worden, waert mogelic.

25

Siet, ic hebt v te voren geseyt.

26

Hier om ist dat si tot v seggen. Ga naar margenoot+ Siet, hy is in die voestine, en wilt nyet wtgaen. Siet hy is int heymelicste, en wilt des niet gelouen.

27

Want gelijc den blixem wt ooste comende is, ende wort gesien tot int westen, also sal die toecoemst vanden soon des menschen zijn.

28

Daer dat lichaem wesen sal, daer sullen dye aernen vergadert worden.

29

Ter stont na die tribulacie deser daghen, sal die sonne verdonckert worden, ende die maen en sal haer licht niet geuen. Ende dye sterren sullen wten hemel vallen. Ga naar margenoot+ Ende dye crachten der hemelen sullen beroert worden,

30

ende dan sal dat teeken van die sone des menschen inden hemel openbaren. Ende dan sullen alle die geslachten der aerden weenen, ende sullen sien den soon des menschen comende in wolcken des hemels met macht ende grote glorie:

31

ende hi sal zijn engelen seynden met een basuyn ende grote stemme. Ende sullen zijn wtuercoren vergaderen vanden vier winden, vanden oppersten der hemelen, tot haer eynden.

32

Ende leert vanden vigheboom een ghelikenis, want als sinen tack teer is, ende als hem

[pagina C5r]
[p. C5r]

bladeren wt ghewassen zijn, so weet ghi dat den somer nae by is.

33

Also ghi mede, als ghi alle dese dingen siet, so wetet dattet na by in die dore is.

34

Voorwaer segghe ick v, dit gheslacht en sal niet voorbi gaen, ter tijt toe, dat dyt al gheschiet.

35

Hemel ende aerde sullen vergaen, maer mijn woorden en sullen niet vergaen.

36

Maer van dien daghe ende vre: en weet nyemant noch oock die Engelen der hemelen, dan alleen die vader.

37

Ga naar margenoot+Ghelijc alst was in die dagen van Noe, Ga naar margenoot+ also sal die toecoemst vanden soen des menschen zijn.

38

Want gelijc si waren, die voor die diluuie waren etende ende drinckende, houwende, ende tot houwelic bestedende, tot dien daghe dat Noe gegaen was in de arcke,

39

ende dat niet bekent en hebben, voor dat die diluuie gecomen was ende haer alle wech genomen hadde, alsoe sal ooc die toecoemst vanden soen des menschen zijn.

40

Dan sullender twee inden acker zijn, die een sal op genomen worden, ende dye ander sal achter gelaten worden,

41

twee malende aen een molen, deen sal genomen worden, ende dander sal gelaten worden: twee in een bedde, deen sal genomen worden, ende dander sal gelaten worden.

42

+ Hier om so waect, want ghi niet en weet in wat vre v heer comen sal.

43

Ende weet dat, want waert sake dat die vader des huysgesins wist in welcke vre dat die dief gecomen soude hebben, hy soude sekerlic gewaect hebben, ende en soude zijn huys niet laten doorgrauen hebben

44

Hier om so weest ghi ooc bereyt, want in dier vre als ghijt niet en meynt, so sal die soon des menschen comen.

45

Wie meendi is een getrou ende wijs knecht, den welcken die here ouer zijn huysgesin gestelt heeft, op dat hy haer spijse geuen soude op zijn tijt? Ga naar margenoot+

46

Salich is die knecht den welcken die here also doende vint: als hi comende sal zijn.

47

Voorwaer segge ic v, want hi hem bouen alle zijn goeden setten sal. *

48

Ende waert dat die quade knecht in zijn hert seggende waer. Mijn here beyt lange eer hi coemt

49

ende dat hi dan begonst zijn mede knechten te slaen, ende ooc te eten ende te drincken metten dronckaerts,

50

soe sal dye heere des knechts in dien dach comen, inden welcken hy hem niet verwachtende en is, ende in die vre, in welcke hi dat niet en weet.

51

Ende zijn here sal hem deylen, ende zijn deel sal hi metten gheueisden setten, daer sal screyinge ende knersinge van tanden zijn.

margenoot+
A
margenoot+
Mar xiij a Luc. xix.g. ende .xxi.b

margenoot+
Ephe. v.c

margenoot+
B
margenoot+
Ioan. xvi.a. Mat. i.a.

margenoot+
Dani. ix.g

margenoot+
C

margenoot+
Luc. xvij.c

margenoot+
Luce. xxi.c mar. xiij.c Ioe. ij.c

margenoot+
D
margenoot+
Gene. 7.b

margenoot+
Luce. xij.e.


Vorige Volgende

Footer navigatie

Logo DBNL Logo DBNL

Over DBNL

  • Wat is DBNL?
  • Over ons
  • Selectie- en editieverantwoording

Voor gebruikers

  • Gebruiksvoorwaarden/Terms of Use
  • Informatie voor rechthebbenden
  • Disclaimer
  • Privacy
  • Toegankelijkheid

Contact

  • Contactformulier
  • Veelgestelde vragen
  • Vacatures
Logo DBNL

Partners

Ga naar kb.nl logo KB
Ga naar taalunie.org logo TaalUnie
Ga naar vlaamse-erfgoedbibliotheken.be logo Vlaamse Erfgoedbibliotheken