Gründtlicher Bericht, ob Zauberey die argste vnd grewlichste sünd auff Erden sey

Das V I I I. Capitel.
Die sibende special vrsach, warumb so vil zur Zauberkunst gerathen: den teuffel leichtlich nennen, oder bey im fluchen, &c.

DIeweil auch vil, so reich, so arm, erfunden, die den verfluchten miszbrauch haben, das sie den teuffel leicht vnnd offtmals nennen, mit vnd durch den teuffel fluchen vnd lastern, sich oder andere dem teufel offt vnd vmb ein gerings verwinschen, das sie der teuffel hole, oder ins leib fahre, oder den hals zurbreche oder dergleichen. Diser halb kommen

[p. 72]

vil in des teuffels gewalt, vnd werden leicht oder letzlich zu Zauberer vnnd Zauberinnen, Sintemal sie von Gott billich verlassen, vnd vom teuffel, (dem sie mit solcher manieren raum geben, vnd als botten ausz schicken) gantz vnd zumal in seine gewalt genommen, vnd also entlich (damit sie in seiner gewalt bleiben, vnnd die meiste böszheit üben, des teuffels dienst ahm trewlichsten leisten vnnd sein reich bawen, Gott aber samen vnd zumahl abgeben) in die aller verfluchte vnd verdamlichste Sünd, ja grundsup aller sünden, die Zauberey gerathen.