Diarium van Egbert Alting 1553-1594

[p. XIX]

Bijlage

Voorwaarden waarop Egbertus Alting tot secretaris der stad Groningen wordt aangesteld. (Gem. Arch. Gron. Reg. Feith 1549, 3).

.....In den eersten, so he ghesinnet ys, sijn studeringe myt de promotie tho sluten, oeck een tijdtlanck syck tho Bruysel offt tho Mechelen tho gheven, umme kunde ende practike des hoves ummeghanck tho leren, dat he stelt ten langhesten up twe jaern, sijn wij des vredelick ende willen hem de twe jaern, anghaende Petri ad Cathedram naestkomende, tot een underholdt ende vervolginge sijner voirgenomen meninghe tho hulpe gheven elckes jaers hundert rider ghulden, mit vorworden, off he nae einde der twe jaern totten vorsz. denste umbequeme muchte ghevunden worden, sall he alsdan de uuthghelachte pennynghen unse stadt wederbetalen ende sijn vriheit nemen. Ingeliken weert sake, dat hie na einde der twe jaern yn der stadt denst trede ende wij offt unse nakomelynghen myt hem om sijn onderholt na ghelegenheit neet kunden vordraghen, sall he an unser stadtdenst unvorbunden wesen, dan betalen der stadt de uuthgelachte pennynghen ende gheneten sijne vriheit ghelick vorsz. Doch so he nae einde der twe jaern myt doctor Abrynge yn medebedenunghe des amptz queme, also dat docter Abringe de principael verwaringhe des amptes bedeendt, gelick he nu angenomen hefft, sall Altynck middelertijdt he dat ampt also mede bedeent, jaerlixs ghesadightt wesen myt de hundert rider gulden ende uns neet hoegher drynghen, ten weer sake wij hem yn sodane gheschefften stellen ende ghebruyken muchten, dat he billick meer onderholdes eghede ende behoeffde. Offt oeck duerende de twe vorsz. jaern doctor Abringhe ghevandet¹⁾ worde ende deshalven dat ampt neet kunde bedenen, sall Altynck, tho Bruysel offte tho Mechelen wesende, yn der stadt denste tot alle der stadt saken tho hove staen up unser stadt unkosten tot unse billike ende redelike erkantenisse, dan de tijdt sijner vorgenomen meninghe unvorkortet, het weer sake, dat wij tot noetdrufftighe dynghen sijnes denstes bij der handt tho done hadden, sall he altijdt gheholden wesen, sick hir ter stede tho gheven bynnen de tijdt van twe maenden na den daghe, dattet hem verwyttighet ys. So oeck doctor Abrynghe duerende de twe vorsz. jaern van uns tho hove gheschicket muchte worden, sall Altynck up unse verschrivynghe sich daer mede bij voeghen tot mede verdedynghe unser stadt saken, oeck up unser stadt unkost, ghelick vorsz. dr. Abringe betalen sall van den ghelde, he medeghenomen hefft. Ende so wat hem bevolen wordt tho swijghen, dat sall he neet meelden, dan doen de vorsz tijdt yn alles als een ghuedt secretarius behoirt the doen. Waerup he ons oick enen eedt ghedaen hefft. Sunder argelist dat oerkunde wij myt unss stadt segell. Gegeven in den jaer unses Heren dusent viffhundert negen ende veertich up daghe Agate virginis..........

1) Vanden = beproeven, rampen toezenden.

[p. XX]

Transfix

Ick Egbartus Altynck bekenne ende betueghe yn ende vormydtz desen openen breve, wo mij de ersame, wijse ende vorsychtighe heren Borghermester ende Raedt der stadt Groeninghen, mijn leve heren noch een jaer mijnes denstestijdt, umme buten tho wesen, hebben vorlenghet, anghaende up Petri ad Cathedram naestkomende, umme mij tho Bruysell offte tho Mechelen tho gheven, umme kunde ende practike des hoves ummeghanck tho leren etc. ende dat up alle conditien ende vorworden, szo de breeff daervan ynholdt ende uutwijset, daer dese breeff durch ghetoeghen ys. Des hebben mij mijne heren voergheschreven dyt voerghesz. jaer mijne ghasie vorbetert myt vijfftich rider ghulden eens. In oerkunde der waerheyt, dat ick Egbartus Altynck dyt voersz. yn allen szo vorwillighet ende dennstlyck anghenomen heb ende ick selffs noch ter tijdt gheen seghell een voere, heb daerum ghebeden..... 1551 den 15den Januarii.