Donderdach 12 Julii 1554.
De tymmerludenknechte contra de kistemakers, schelachtich, umdat de tymmerludenknechte sich beswaert bevonden in de verclaringhe, van B. ende R. vergangen jaer gedaen, als dat de mesters van de tymmerluden allene mit horen handen ende neet mit todoen der knechten solden ander warcken moegen maken, dan den kistemakers alleenen togestaen is; dewijle de tymmerluden ende kistemakers eerdages ene gylde gewest, sullen se daerum elck voer sick up moergen over acht daghe bijbrengen, wanneer ende up wat conditien ende articulen, se van malkander gescheyden sijn ende wat warck se beyder wegen midlertijdt sunder besperinghe gedaen ende gepleget hebben; des sullen partijen an beyden tsijden tut uuthdracht der saken onverhindert hoere wareken maken ende vullendigen moegen.
Van B. ende R. ende de Sw.M. besloten, dat Abbringe ende de geestlicheyt mit de gasthuesen sullen voer hoer affgegraven landt rente gheneten ende geen landt.
Auteursrechtelijk beschermd