Diarium van Egbert Alting 1553-1594

Maendaghe 23 Julii 1554.

Beraedtslaget, off men den Hamborger beeraccijs up den olden voet bij enen ghecommitterden wolde laten tut der stadts proffijt up to boren offt int openbaer upslaen.

125 gl. meer ad primam Julii dan tverleden jaer. 1194 rijder.

De hoevelingen van de hopenbindergilde sich beclaget, woe hoer mandaet geweygert werd van den Lieutenant ende Hoefftluden¹⁾ tegens ener, de voerkoep van bantholt ende clapholt tho Farmsum ende in den Damme bedreven hadde, woewall a^o 43 in deselve ende gelijke sake een mandaet verleent were an Menno Houwerda ende de buerrichteren in den Damme, daeraff de conclusie hiirna volget: Is derhalven unse guetlick gesinnen ende vruntlick begeren van wegen hoechgedachter Keis. Maj. (um alle anderen unkosten, unwillen ende vordernissen van rechte, daeruuth er wassen ende komen muchte, tho vermijden) ghij also an den selvigen hoepenbinders offte kupers unde anderen voerkopers myt u aldaer upt vorderlixst willen vernoegen, se sulcke ende derghelijke voerkopen in achterdeel der burgeren offte hoepenbinderen alhiir achterwegen willen laten ende den selvigen, de de unbillike woerden in achterdeel van verklenissen deser stadt gesproken hebben, na rechte straffen, soe wij u oeck unlansxleden up den raedthuse alhiir van gelijken bevolen hebben. Ende ingevalle ghij sulx, woe voersz., neet ende deden ende daermyt simuleerden, kunnen gij betrachten, wij geoersaket ende benoediget mosten worden, u daervoer an to seen unde de straffinge an den selvigen ende hoer gelijken to gescheen laten etc.²⁾.

Den olderman bevell gedaen, dat he den voerkoper der holten voersz. solde mede in sijn cedule sijner velligen³⁾ van botter ende kese etc., laten setten ende

1) Vergel. Reg. Feith 1554 nr. 1.

2) Het mandaat is te vinden in Reg. Feith 1543 nr. 26.

3) Broocvellich = boeteschuldig.

[p. 19]

daerup een mandaet to vervorderen: Szo Johan Kuper tho Farmszum etzlyck bandtholdt aldaer an den Delffzijll voerupgekofft hefft ende tselve schepessaken angaet, ende voert den Gyldrechte na older gewoenten tho berichten behoert, begeert daerumme de olderman, de hoechgeleerde, erntfeste ende erbare heren Lieutenant ende Hoefftluden daerup citatie ende mandaten verlenen ende den ghemelten Johan Kuper rechtlyken daertho vermoegen willen, he voer den Ghyldtrechte alhiir tegens den ghenen, so up hem to spreken hebben in deser saken, tho rechte stae, ghelijken des van allen olden tijden onderholden ende gebruecket worden ys ende so veer de beclaeghede sich bij den vorsz. Gyldtrechte in der sententie beswaert befunde, mach he daervan appelleren ende de sake beroepen daer ende also dat van oldes heerkomen onderholden ende tho desen daghe tho ghebruecket worden ys.