Diarium van Egbert Alting 1553-1594

[p. 20]

Wondsdach 1 Augusti 1554.

Steven ter Maet, landtschrijver¹⁾, van des erbaren drosten van Covorden weghen een breeff overandtwoerdet, mede mundtlyck anghegeven, we de soeven tonne kruyts sijn eghen ghewest ende hedde tselve de stadt toghesent, umdattet hues to Kovorden gesleten worde, ghelijken he oeck mijn heer van Arembarghe 6 tonne ende den van Oldensiell 5 tonne kruyts ghesenth hadde ende gheleent, doch de cloten hoerden hem neet to; begeerde derhalven allene een recepisse van de cloten. Item hedde oeck mijn heeren van Aremberghe 2000 mudde rogge ende koern ende anderhalff dusent moltes speek ende ander proviande ter selver tijt geleent, begeerde derhalven van sijn eghen kruyt restitutie thebben, off betalinge daervoer. Besloten, dewijle dattet sijn egen ghewest, solde men hem tselve weder tho ghoede schelden, beholtlyken went he dat kruyt voer een lijdelyke penninck verkopen wolde, solde men myt em handelen; tselve is den landtschrijver weder ingesecht.

1) Van Drente.