Diarium van Egbert Alting 1553-1594

Dynxdach 31 Julii 1554.

Gheerdt van Lingen, Pott genant, des walgheboern ende edlen heren Cunratz graven zu Tekelnburch und heren zu Reyden etc., gheswoeren gogreve ende richter, ende Feyge Engelbertz, Rom. Kays. Maj.^t gheswoern gogreve ende richter des lantz van Lingen, beyde voer den erbaren Rade hals, lijff ende goedt erboden, we dat alle sodane verseghelinghe, als se over de bloetzvorwanten van salige doctor Johan Wynschoten¹⁾, szo ydtzundt hiir tegenwoerdich sijn, ghedaen hebben, rechtlyck ende in der selver tegenwoerdicheyt gescheen sijn, ende hebben daerup, (nadat hem de gemelte zegelatie voergelesen) de selffte zegell ende breve ghestandt ghedaen.

Grethe Vreessche gesacht, dat daer is hoer nicht van bewust, dat Feye verzegelt, wijder dan to Tekenenburch verzegelt were.

Oeck Jasper Funcken huesfrouwe gesacht to Feye richter etc., woe dat een zegeler nicht wal versegelt, de mer een mael szegelen mach.

B. ende R. bedancken den richteren hiir teghewoerdich, dat se tut favoer ende vorderinghe der justicie sich alhiir gepresenteert ende hoer vorzeghelinghe mit hoere eghen presentie verstarcket hebben ende willen tut ghelegener tijt vorder in der sake doen ende ghescheen laten, als sich des na rechte eghen ende behoeren sall.

Hiirup de richteren upghemelt gebeden, dat men der armer lude onnoselheyt wille ansehen ende woe se jammerlyken vervoert sijn, voerghegeven.

1) Deze was officiaal geweest van de bisschop van Munster in Friesland.