Diarium van Egbert Alting 1553-1594

Maendach 13 Augusti 1554.

Kennen B. ende R. dat ordell myt sijner anhangende verclaringe, vergangen jaere tusschen den kistemakers ende tymmerluden uuthesproken, in der macht, beholtlyken wes der kystemaker ydtzighe overgegeven supplicatie wijder vermelden mach, sullen de tymmerludenknechten under hoere mesters oeck sulcx staende moegen maken ende sich daerna reguleren.

Sequitur supplicatio cuius hic facta mentio exhibita nona die Augusti, que fuit Iovis proxima anno 1554:

Erbaren, voersichtigen, wijsen heren Borgermesteren ende Raedt der stadt Groningen.

[p. 21]

Soeals yuw erbaren ons hebben laeten inseggen bij den ersamen bouwmester Aryen Muntinck vorgangen Donderdaghe, dat wij schryfftlicken wolden stellen, wat de tymmerluden hoer warck solde wesen unde wij hem toestonden, etc. Ten eersten moegen se maken toernen, kercken, toe tymmeren poerten sonder siiraet, sijlen, bruggen und tyllen, kranen, wyndemoelen, watermoelen, rosmoelen, vulmoelen, oliimoelen, pumpen und homeyen, oeck huesen to tymmeren, summa wat de brede bijlen angaet. Oeck stae wij hoer toe, de balcken heerlyck toe beschaven, die rybben tho kroesen¹⁾ und beschot daer tusschen in tho leggen, oeck boenen²⁾ tho maken van waghenschot, eeken- ende vuerenholt, daertho moegen se een hues offrichelen dwars offte langes doer, daer men tusschen muyrt; noch moegen se rechte trappen maken, up een kamer offte boene toe leyden, daer en boven moegen se noch mit ons maecken doeren ende vensters, de regen- offte wyntschutten binnen ende buten hueses soe heerlyck, als sij se myt hoeren schaven maken koenen, uuthgenomen lijmen und dat se daer gheen snijdijsers tho ghebruken sollen; noch moegen se loyven unde bijslagen³⁾ maken sunder siiraet. Hiir hebbe wij om juw erbaren begeerten an ons, als boven vermeit, int kort vervaet, dat wij den tymmerludenknechten, under hoeren meister staende, vergunnen und tostaen toe maecken, hiirmede onvermyndert offte onverandert unse verclaerde ordell, dat uns van den erbaren B. ende R. gegeven ys, daer wij uns myt ernst an holden unde to verlaten. Koennen uns derhalven oeck niet beweghen laeten um der tymmerludeknechten willen, dat wij soedanen vasten ordell solden myt unsen willen laeten veranderen, daer wij den erbaren olden Raedt oeck musten in verklenen, dat uns ganslyck niet toe doende en staet, want wij hoer erbaren ordell unde verclaringhe achten in sijner weerde. Oeck de meisters van de tymmerluden veel unde mennichvoldich van unsen aerbeyt toegestaen is myt hoerder handt tho maken, dewijle se doch mer 6 oder 8 sijn unde wij der kystemakeren 56 sijn. Noch dat meer ys, dattet een unrecht voernemen boven alle rechten unde reden van de tymmerluden gedaen is, dat se over een jaer gheswegen ende, nu het hen juest niet langer en past, nu sprekende worden, ghelijck off men ordell ende sententien also na hoeren onbilliken sin schicken ende begheren solde. Iuw erbaren willen doch dese saken met ernst doerseen unde ons bij unsen rechte laten, dyt verschulde wij altijdt gheerne, als iuw erbaren goetwillighe medeborgers unde ondersaten. Onder stondt: Olderman unde hoevelinghen der kystemakersghylde.

Quere eth principael van desen myt den andtwoerdt daerup in den sack van ghyldtsaken.

1) Kruiselings leggen?

2) Zolders.

3) Uitbouwsels.