Diarium van Egbert Alting 1553-1594

Donderdach 23 Augusti 1554.

B. ende R., oldt ende nije, sampt T., B. ende Sw.M. hebben besloten, dat men de zetonnen wederum leggen solde, (de verdreven ende wedergehaelt oeck repareert weren), up een recht ende na olt heerkomen ende ghoede ghewoente, soe boven menschen ghedachtnisse alhiir gescheet ende onderholden worden is, myt protestatie van dien.

Brouweren.

1. Upt angheven der hovelinghe van de brouwerghilde angaende Hamborger beren in dre huesen op een oert to tappen etc.; dewijle de tijden ende zevaert

[p. 22]

ydtzundtz noch periculoes ende geveerlyck sijn, kunnen B. ende R. sampt de ander vrunde, hiir tegenwoerdich, daerinne voer dytmaell noch neet van sluten.

2. Angaende de vrembde beren in den lande aff tho visiteren etc.; B. ende R. synt deer toversicht¹⁾, so veer men hiir goede Gronninger beren broude, solden de vremde beren so herdt in den lande neet gedrunken worden ende bij sich selffs ondergaen, oeck wall affgedaen worden, woewall na der tholatinghe van vremde beren de accijsen van de Gronninger beren in den lande tusschen veer ende vijffhundert gld. jaerlyxs meerder ende groter bevonden synt dan voer hen.

3 ende 4. Beroerende van den borgeren ende andere to verbeden, geen koern in den lande offt molt in der stadt to kopen edder verkopen etc., dewijle sulx tegens der gantze ghemeente ende hoer vrijheyt tendeerende ys, koenen B. ende R. sampt B. ende Gesw. M. daerinne neet consenteren.

5. Up dat int Goerecht ghebrouwet wordt, dat se voert in Drente ende Vreeslandt verkopen etc.; willen B. ende R. sich daerup mit den vrunden vant Goerecht bespreken ende voerts doen ende gescheen laten, alst na rechte ende billicheyt behoeren sall.

6. Belangende de brouwers, de hoer egen beren uuthtappen etc.; moegen de hoevelinge van de brouwersgilde sodane brouwers myt rechte alhiir vordagen, um de wederparten daerup to hoeren.

7. Angaende dat 7 ende laest artt., van neet mer dan 30 mudde des wekes to brouwen, etc.; B. ende R. mit de ander vrunde seen voer goet an, dat de brouwers sich onder se daerin verglijken ende maken een ordinantie over sick, alst best wesen sall ende brouwen voer all goede beeren, willen alsdan B. ende R. den vrunden van den brouwers nae recht ende billicheyt mede handthaven.

Quere in den sack van ghyldtsaken der brouwers supplicatie²⁾.

1) Toeversicht = verwachting.

2) Het rekest van de brouwers in Reg. Feith 1554 nr. 78.