Diarium van Egbert Alting 1553-1594

Wondsdach 13 Martii 1555. Van de verbijfaert tho Embden verhindert.

Schutemaker^b) sich bij den Rade ende Geswoeren Meente beclaget, woe de van Embden sijn schyp mit plancken ende holt, dat he in Westfalen getimmert ende getuget, uphielden ende dat em groet verlies voer sijn goet geboeden, woewal he idt to gelde hadde gesat ende wall willen verkopen, sunder hadden hem neet meer ongeveerlick geboden, dat hem de waer ende goederen ingekofft stonden ende na langer sollicitatie an der gravinnen²⁾ mit supplicatien ende anders gedaen,

b) Naam niet ingevuld.

2) Anna, gravin weduwe van Oostfriesland.

[p. 29]

hedde he tut geen gehoer koenen komen, dan alleenen was hem daer geraden, dat he hiir een voerscryfft van sijnen heren B. ende R. vorderen solde, alsdan worde he wall tot goeden beschede komen. t Welcke he also begeert ende voergegeven. Daerup weder in laten seggen, he muste sijn proffijt mit sijnen goedt doen, als he best kunde, dan diewijle he B. ende R. daerumme voerhen nicht begrot ende sulx up sijn egen heerlicheyt bestaen hedde, konden se daervoer oeck nichtz schrijven.