Diarium van Egbert Alting 1553-1594

Dynxsdach 6 Augusti 1555.

Disputatie gevallen, woe dattet nutter weer, dat de stadt de 3^e strenck⁴⁾ gheve to der jaertaxe, dan men de vrijheyden in den lande vant kopen ende verkopen tolaten solde ende dattet der stadts gantze verderff were, dat de vrembde beren in de Ummelanden thogelaten weren; daerup geandtwoerdet, woe men sulcx mit der warheit neet solde koenen nabrengen ende de sulckes voerbrachten schenen partien tho wesen ende behoerden daervan aff tstaende; daerna Koyter myt wrevelmoet upgestaen ende gesacht, wen men hem sulckes overdachte, weer he neet geneghet hiir tsytten, doch daerna durch den dener laten weder upkomen ende voerts van der brouwer ordinantie gesproken ende durch Koyter begeert, de Raedt den brouweren 3 hoevetlingen tholaten wolden te kesen, alsdan

4) Beeld ontleend aan het touwslaan? Voor het vlechten van touw zijn drie strengen nodig.

[p. 38]

solden se onder sich wall eene goede ordinantie vinden, daer de Raedt een goet benoegen solden an hebben.

Is seker supplicatie van weghen der stadttaeffel ende hamryke gelesen worden, daerinne mennichfoldighe beswaringe anghetogen, de tom dele tegens tcorpus van der stadt ghyngen, derhalven nicht voer raedtsam angeseen, szodane supplicatie voer den gedeputeerden heren ghelesen te wordende ende also de dach myt guetlickheit bes up smorgens daerna verleent, umme wijder communicatie mit den gearffden der hamryke te moegen nemen, woewall de gedeputeerden van de lande genoech den 4 borgermesteren (dewelcke tut hem buten up den huese uuth der raedtkamer getreden) hoere meninge tho kenne ghegeven, noemptlick dat se niet dachten to disputeren, sunder soe veer men sich hiir dachte to vrijen ende to ontuten¹⁾, wolden se oeck plat uuth daer niet tho verstaende, dan helden sich oeck an hoere olde privilegien van de vrijheyt.

1) Zich aan iets onttrekken.