Diarium van Egbert Alting 1553-1594

Wonsdach 7 Augusti 1555.

Schipperen ende borgeren voerbracht, dat 2 schepe myt botter ende kese van Eylardt ende de Franchoysen ghenomen weren, daerinne oeck vrembder koepluden guedt gewest, begeerden desulve geholden muchten worden, oeck na advenant hoer ghueder to vrijen. B. ende R. seen voer ghuedt an, de vrunde under sich um de penningen raden²⁾, alst hoer nutst ende best duncken sall. Alsdan willen B. ende R. soe voele moegelyck hem tut hoeren rechten up den vrembden man tut gelegener tijt geerne behulplick ende vorderlick erschijnen. 350 daler der borger gueth weerdich, derhalven se lever segen de vijant. Nota. Dese 2 schepe tsamen wall umtrent 3000 gl. geweerdt ende up 700 daler geransoent, daervoer tene schyp mit den schipper geholden, umme de penningen in den darden dach umtrent de WesterEmse offte an hoer handen tbestellen. Ys benevens de certificatie van de ghevangen schepe een copie uuth de bestellinghe voerbracht van datum den 8 Julii 1555.

2) Dat de vrienden (schippers en burgers) onder elkaar beraadslagen over het geld.