Diarium van Egbert Alting 1553-1594

Donderdach 3 Septembris 1556.

Johan Lapper, de boede, an mijn heer stadtholder na Bisschopesbarge²⁾ (daer de Drenten den koninck van Engelandt up huden huldt ende eedt doen ende ontfangen solden) uuthgefeerdiget, belangende dat sijne genaden uns wolde adverteren, wes an sijne genade tegens uns gesuppliceert ende angedragen muchte worden, umme uns daertegens tho verdegenen.

Doctor Hieronymus als rentemester ende vanwegen deser stadt contra den erb. Johan van Metelen; wijsen B. ende R. Johan Metelens beyde pachtbreven in der macht, angesehen dennoch Johan Metelen den wall ant zuyden benevens der Aepoerte boven sijn pachtbrieff myt voelen tymmer ende huysen belastet ende beswaerth, der stadt poerte ende muere doergebroeken ende mydiertijdt een mede lythmate des Rades ende tho der stadt beste gheswoeren, daertho oeck selffs clufftmester naderhandt gewest ende nochtans sijn eghen proffijt meer dan der stadt beste (sunder ennich bewijss van sRades consent) gesocht ende jaerlicx groete marckelijke upkumpsten daerdoer gemaket ende entfangen hefft, wall wetende, he daermede boven sijn selffs pachtbrieff ghedaen. Sall daerumme gedachte Johan Metelen gheholden sijn, alle szodane huysinge ende tymmer, boven vermoegen sijns pachtbreves aldaer up der stadts grondt getymmert ende angelecht, van stonden an wederumme up ende en wechbreken offte hen breken laten ende voerts restitueren der stadt alle szodane proffijten ende upkumpsten, als he van sodanen onbehoerlyken tymmer ende huysinge mydlertijdt an huere offte anders entfangen offte genoeten mach hebben, mydts oeck reparerende ende slutende der stadt hoere muere in der poerte vorg., gelijken he de aldaer voerhen in datum sijns pachtbrieffs gevonden hefft ghehadt, beholtlyken nochtans dat de stadt de onkosten van steen, holt ende ander materie der voersz. huysinge up sich nemen ende verguetzen sall.

Angaende oeverst den wall tho beyden tsijden van Papenpoertken, dewijle ydt oghenschijn ende sunst myt loffweerdigen tuegen genoechsam bewesen ys, dat Johan Metelen der stadt grafften aldaer tegens tinholdt sijns pachtbreves eensdeels gedemmet ende seer benouwet ende den wall also groetelycx verbredet ende vermeerdert hefft, sall he derhalven tut der stadts proffijt ende vordell

2) Bij Havelte.

[p. 61]

affstall doen ende verlaten all datghene, wes de rentemester vorg. bewijsen kan, dat de wall ydtzundts breder ende meerder uuthgeseth ys, dan se voerhen gewest ende bij Metelen entfangen ys ende gheven der stadt wederumme de huere, vruchten edder proffijten, soe he van dat angewonnen ende verbredede landt entfangen offte genoten mach hebben. Vorder want oeck mede in Metelens pachtbrieff begrepen, dat he sijn inganck ende uuthganck hebben sall doer unse stadtmuere (alwaer de stadt hoer doerganck myt wagen ende peerden sich voerbeholden hefft) szo en sall Metelen vorg. oeck anders geenen thoganck up denselven wall te komen gebruecken offte geneten moegen, dan he myt sijn pachtbrieff beweren ende verdegenen kan.

B. ende R. kennen dyt voergaende ordell in der macht, beholtlyken dat Johan Metelen neet sall geholden wesen to restituerende szodane proffijten ende upkumpsten, als he van dat onbehoerlijke tymmer bij der Apoerte genoeten mach hebben. Des sall oeck de stadt de materie van steen ende holt, de van de affgebroecken huesen komen sullen, neet vorguetzen noch up sich nemen. Actum den naestlaesten dach Octobris anno etc. 56^a).

a) Deze ‘kenning’ van 30 oktober staat in margine. Ook 16 oktober staat in het diarium nog iets over deze kwestie. Zie verder hiervóór 20 januari.