Wondsdach 9 Decembris 1556.
Grete van Dockum belijet ende opentlyck bekanth gestaen, woe se tho Lichtmissen naestkomende neghen jaer vorleden sij wederdoept worden; tselve gescheet in een hues, dat naderhandt nedergeworpen ende daer nu ter tijt Pauwell Korffkens woenachtich ys, hefft 20 jaer hiir gewoent, erst in Drentsche Geerts kamer ende nu in Entensganck acht jaer, dan secht se gheene vergaderinge geholden hebbe, item dat hoer man over 15 jaer doeth gewest ende hadde hoer man tho Grijpskercke, als se myt Melle Ayckema gewoent, gekregen, sachte se verhopede, dat se hoeren Heer ende Godt deende ende was thovoeren in hoer harte verborgen west, myt meer ander woerden, daerup hoer bij den Raede angesacht, dat se sich van stonden an ter poerten uuth versehen sall ende daer benevens Geerdt ende Rembert Entens bevoelen, se de kamer, daer Grete in woent, solden sluten ende hoer daer langer neet in laten bij pene thiin goltgulden.
Auteursrechtelijk beschermd