Donderdach 8 Julii 1557.
B. ende R. hebben de begeerte van den deputeerden van Stadt ende Lande angaende den vrundtschapsdach andermael mitten abt van Aedwerth to holden, den taelmans, Swoerne Meente ende bouwmesteren van den ghylden voergeholden, daerup dan bij den samptlyken heren ende vrunden bewilliget, dat men durch der deputeerden anlangent ende begerendt gheneget weere, andermael de sake tut vruntlyck verhoer tho laten komen, doch soveer de sake nochmaels ter vrundtschape neet hen gelacht konde worden, dat alsdan iider part in sijnen goeden rechte onvorkortet solde wesen ende blijven, twelke dan borgermester doctor Sickinghe (als een mede gedeputeerde) also durch Altinck an laten seggen ende dat de deputeerden wolden eenen dach bestemmen ende denselven een erbaren Raedt wederumme verwittigen ende tho kennen gheven.
Auteursrechtelijk beschermd