Diarium van Egbert Alting 1553-1594

Vrijdach 7 Julii 1559.

B. ende R. sampt T., S.M. ende B.v.d.g. sehen voer gueth, nuth ende raedtsam an, dat een iider van den brouwer en sall in sijne vrij heit staen, soe vaeke, soe voele ende so goede beren to moegen brouwen, als he kan ende mach ende dat van desen dage aff een jaer lanck durende. Des sullen ingelijken de tapperen na Michaelis ondergeschr. vrij sijn to tappen van well brouwer, dat se willen.

Oeck sall nemant van den brouweren enigen tapperen binnen offte buten Groeningen vordell gheven noch verleth doen bij verluys der gylde ende dat angaende up dage Michaelis eerstkumpstich. Wel men des betyet, sall sulckes bij een erbaren Raedt up alle uuthgaende panden mit sijne eede ontgaen. Dit voerg. allent tot correctie ende wederseggent des erb. Rhades¹⁾.

1) Zie 26 september 1559.