Diarium van Egbert Alting 1553-1594

Maendach 9 Octobris 1559.

Szo Thyes Moyter saelige Hinrick Vrijlinck leyder up den Vischmarckte na der Kloeken²⁾ vechtender hant nedergeslagen ende van den levende ter doet gebracht ende voert uuth deser stadt ghevloden ende ontlopen, heft derhalven Hemme Folckeers ghedachte Thyes huesfrouwen moeder van deselvigen Thyes wegen de vrundtschap ende bloedtzvorwanten saeligen Hinricks voersz. voer dat bloet ende boete twemaell 80 goldt gulden ende der stadt rentemester twemaell 40 goldt gulden voer de broeke betaelt, daerup dan Hemme voersz. naderhant voer en erbaren Raedt erschenen, sich beclagende, dat se te voele pennongen uuthgegeven ende neet schuldich solde sijn, meer dan een mangelt, to weten 80 golt gulden voer boete ende 40 golt gulden voer de broeke to betalen, begerende daerumme de helffte der voersz. betaelde pennongen weder to geneten ende restitueert thebben, is derhalven up sodane versueck na rijper deliberation bij en erbaren Raedt verclaert ende gemelter Hemmen tselve alsoe weder ingesacht geworden, woe B. ende R. nae den boecke neet koenen bevinden, dat Hemme van wegen als voer an sodane pennongen als voersz. voer beyde boete ende broeke tvoele uutgegeven ende betaelt hefft.

2) Een pand aan de oostkant van de Vismarkt.