Diarium van Egbert Alting 1553-1594

Dynxsdach 10 Octobris 1559.

Twe vulmachtigen van den graven van Benthem hebben nochmaels³⁾ tegens Johan Eysens gevordert, se van sijnen genaden wegen in dat hues, twelck em nu over een jaer, vermydtz de misbetalinge der grunsingen, verschenen sijn solde, mit een stadtdener rechtlick ingesat muchten worden. Daertegens Willem Dreuwes gesacht, woe he sijn gen. mit een sulveren beker daervoer vereheret, den sijn gen. oeck ten goeden benoegen entfangen, dan dat ener van sijn genades deners sulcks omgestot, alst scheen, desneettegenstaende hadden sijn genade noch daerna durch voerbede ende versueck van den erbaren Hiddo Jensma ende Johan Hoernken, amptman, em de sake weder to goede ende torn besten gheschencket, twelcke oeck ghemelter Willem also tho bewijsen erboedich ghewest, begerende derhalven, bemelte vulmachtigen alhiir rechtlyck angeholden worden tut endtlyker uuthdracht deser saeken tho, myt wij deren etc. Daerup em dan samptlyken ter antwordt ingesacht, woe 3 borgermesteren ende etzlyke raedtsvrunde nicht bij der handt, musten derhalven de saeke bes naesten dages in gedult stellen, daer et dan alsoe bij gebleven, want de vulmachtigen sich sinnen laten, se noch den selfften namiddage vanhiir to reysen willens etc. Oeck beclagede

3) Zie 8 september 1557, 11 oktober 1557 en 8 oktober 1558 (niet opgenomen).

[p. 100]

Willem Dreuwes sich, woe men oer ydtz de geboerlyke grunsingen van denselven huese angeboeden, dan hedden die tontfangen gheweygert, verhoepede daerumme mit nichten daeran verboert noch verbroecken thebben, want eth bij sijnen schuldt nicht to gekomen, dat die ydtz onbetaelt gebleven.