Diarium van Egbert Alting 1553-1594

Dinxsdach den 3^en Junii 1561. Post reditum nostrum ex aula.

Soe 2 schypperen van Bremen seker Bremer beren an den Delffzijl gebracht, de se hiir onsen borgeren angeboeden ende geen koepluden vinden konden, is denselven angesacht, se oer beren weder vandaer solden moegen vueren, beholtlyken se de bij pene een marck golts in den Omlanden neet solden moegen verkopen, dewijle se dan mede te kennen gegeven, se oeck seker gelt hiir angebracht ende daervoer etzlyke ander waeren ende goederen gemeent vanhiir weder uuth to fueren, als oeck voer de penningen, so voer de beren komen muchten, begheerden, off se tselve gelt daerna noch hiir solden moegen anleggen ende mit andere goederen mit hoer egen schepen weder uuthfueren etc., dat hem dan also consenteert worden is.

Pauwel Janssen alias Torck, Dreuwes Peters, Gheert Heynens, Johan Schoeninck, Lambert Hinricks, desen vors. trumslageren angesecht, dat all de-

[p. 112]

ghene, so neet omt olde verdenst mit de schutten up Sacramenti wolden ommegaen, solden daerna noch binnen Groeningen edder stadttaeffel noch binnen dat Goerecht up enige warschappe offte gasteboden um gelt trammen noch spoelen moegen.