Diarium van Egbert Alting 1553-1594

Dinxsdach 8 Junii 1563. Landtdach.

Hoewall up de voergaende vorwilligung, fol. 579 hiirbevoeren angetekent²⁾, rede etzlyke penningen in der heren deputeerden handen gebracht, hebben dennoch summighe vrunde, soe hoere landen doer inbreek der Oesterschen dijcken nicht beschadight solden koenen worden sich tutter contributie weygherich ghemaeckt, oeck vertoent seker versegelde brieff, onder der stadtsegell versegelt van datum a^o. XVI, daermit se van den onderholt der Oesterschen dijcken ten euwigen dagen gevrij et solden sijn ende dat deghene, so hoere landen daer ghelegen, den dijck solden voertan onderholden off den spade scheten van alle hoere landen, se up eerden muchten hebben³⁾. Tegens welcker brieff gesacht, de dijck daerinne vormeldet, tut gener effectie gekomen, oeck dat naderhant daertegens oeck Stadt ende Lande etzlyke dijke ende hoeffden aldaer samptlick gemaket und geslagen, weshalven up sodane brieff weynich to letten were. So dan de landtschafft affgetreden, hebben daernah weder laten inbrengen, dat, wen men hoer de voergen. brieff wolden ratificeren, daerneffens verwissinge gheven, se nimmer bet meer mit sodane reparatie der questiose dijken te willen beswaeren, solden se sich alsdan noch ditmael naberlick willen bewijsen; daerup bij B. ende R. gheantwoerdet, se des neet machtich, ghynge oeck der stadt int sunder neet meer als

2) 2 oktober 1561. Ook op 17 juni 1563 een aantekening omtrent deze dijken.

3) Deze brief berust in het Ommel. Arch. inv. nr. 30 (Rijksarchief Gron.).

[p. 127]

der landtschafft an, dat se oeverst deden, deden de ghemene walfaerth tho ghuede, weren oeck neet dan drijvers in der saeke. Nota, dat de lieutenant sich opentlick hoeren leeth, woe he Kon. Mat. de kentlyke noedt der dijken neet solde koenen verswijgen, so men neet raedt vunde, daermit se ghemaket muchten worden.