na desen daghe den rechte aldaer ende een erbaren Rade in vervallen mach; konde oeck offte en wolde heer Niclaes voergemelt sodanen borgen neet genoechsam stellen, sall he na datum deses des conventes Hilligerlee sampt der beyden Oldenampten ten ewigen dagen priveert ende entwaert wesen ende blijven.
Ende so heer Niclaes geen borge hefft willen offt koenen stellen ende sijn moetwille ende boevenstucken tom dele geloffweerdich vertoent ende voergebracht worden, is hem van een erbaren Rade uperlecht, sich van stunden an uuth den Oldenampten te versehen, oeck sunder des proests consent ende wille neet weder in den voersz. convente te komen, beholtlyken dat de proest hem uuth guedicheit ende neet van rechtes wegen tut teergelt een 10 off 12 emder gulden eens voer all geven solde.
Auteursrechtelijk beschermd