Dinxsdach 11 Julii 1570.
Is dit ondergescreven in effecte upt ghene voersz. weder inbracht, dat in anseunge der groten last, schulden ende beswaringen, daerinne de stadt geraden ende steeckende is, sampt der gemeene borger armoet ende onvermoegentheit, mede betrachtende de excessive penningen van 60.000 gulden, so de stadt tot upbouwinge des hueses rede beloefft, soe en ist noch in der stadt, noch in der borger macht neet, deshalven meer onkosten tdoen, hedden sunst neet levers gesehen, dan de walfaert der stadt mit oeck des conincks egen vordell ende proffijt hadde moegen voergestelt ende de meeste schade allertsijden (soe voele) moegelyck vermijdet worden, doch wolden des S.M. heymstellen, sijns gevallens daerinne gescheen tho laten ende verordent to worden.
Soe oeverst der heer coronell noch laten voerdragen, woe de stadt groetlick daeran gelegen, dattet hues bet buten angelecht, dat dan voerst opgemaket ende de stadt der besettinge entheffet worden, de anders noch et volgende jaer geduren solde ende dat de stadt des an sijn excellentie supplicerende, wall tot 5, 6, 7 ende langer jaeren tijdts tot des voersz. up tho maecken erlangen solde, mit wijderen, gelijcken oeck vant Kattendeep dan te moegen weder uprumen, erst mede voergeslagen, hefft men sijn gestr. voer de goede gunst ende beneerstunge hoechlick bedancken laten, dan derwijlen der stadt meer uperlacht, dan se wall uuth to fueren gewust, musten se lijden, wes in dem veherners gescheen worde, vertruwende neetthomin, sijn gestr. het beste deser stadt oeck het meeste proffijt ende vordell van sijne Mat. neet weyniger werden insehen ende behartigen als se.
Hiirup, so sijn streng, geboeden de huesser terstundt aff to breecken, is mitter tromme laten ommeslaen: B. ende R. laten weten, woe Con. Mats, genedige wille ende bevell is, dat een iider sijn huess ende woeninge, omtrent den castele gelegen, na anwijsinge der ordineermesters sullen moeten affbreecken.
Ende want de arme lude, mit hoer tylber goederkens besich, so voert neet konden afbreken, is den borgermesteren bevolen worden, des te doen, doch sijn erst de hueser uuthgewesen ende em bes morgen tijdt gegeven, daermit dan et protest, twelck sijn streng, bij notario ende tugen etc. tdoende voergenomen, verbleven.
Auteursrechtelijk beschermd