Diarium van Egbert Alting 1553-1594

Maendach 10 Julii 1570.

Olde Raedt, Swoerne Meente, taelmannen vorwilliget, dat der van Baer sall uuth den 4 heeren borgermestern in der tijdt, naemptlick Albert Rolteman, Joachim Ubbena, Derck Schaffer ende Johan Clandt, ener moegen noemen ende tot enen waerborgen erwelen, de sijne goeder neffens der stadt upkumpsten voer de 6400 oft 7200 daler hoefftsumme offt meer na advenant den penning 16 gedachten Baer ter handt sampt ende bijsunder oder in solidum obligeren ende verbinden werden sall, mit dem beschede, dat oeck de stadt den erweleden heeren borgermester (desselfs begeren ende gevallen nah) wederomme ghenoechsam daervoer caveren ende vorwissen sall.

Borgermester Derck Schaffer, Evert Ulger ende ick verordnet, om an sijn genade up Swoll der voersz. penningen halven, sampt andere communicatien van des voerg. mit sijn genade tholden, te verreysende⁴⁾.

4) Alting heeft echter niet aan de zending deelgenomen.

[p. 176]

Hefft der heer coronell seker brieff vertoent ende sunst mundtlick voergedragen, om de stadt to gerijven sijne excellencie tovreden sijn solde, de citadelle bet buten gelecht solde worden, beholtlick dat de stadt up hoer onkosten twe armen edder vloegelen van onder 6 voet dicke ende over 1300 voet lanck mit een grafft van 30 voet wijt, doch verstaen hebbende, dat des de stadt te swaer solde vallen, sachte sulckes mit een eerden wal gescheen konde, dat oeck de stadt Heer- ende Oesterpoerten mit de toernen aldaer in den bolwarcken affwerpen, de stadtgraffte demmen tot ongeveerlick 600 voet ende eene nije poerte weder uprichten solde van steen, doch soldet holdt koenen doen ende dat in dit offt et naeste jaer etc. Tselve dan in bedencken gestelt bes morgen.