Diarium van Egbert Alting 1553-1594

Maendach 29 Octobris 1571.

Nota, dat de B.v.d.g. mit sampt etlycke voele borgers ende ghildebroeders voer B. ende R., oldt ende nije, mitten T. ende S.M. erschenen ende hoeren hoegen noedt geclaget hoerer armoet ende belastinge der soldaten halven, tho deme den groten duyren bekummerden tijdt voergedragen ende instendichst begert, de saecken doer besendinge offt anders sijn F.Ex. mit ernste ende upt demoedigst vorstendight, daermit se doch der ondrachlycken lasten ende kosten voerg, eenmael, soe neet heell ummer voer de helffte, gevrijet ende entslagen moegen worden, sich een erb. Raedt in alles submitterende, lijff, guedt ende bloedt te willen bij se ende tot denste van Con. Mat. onss aldergen. heer ende erholdinge voert beschut ende scharm dusser stadt te willen upsetten, oeck den wederspennigen van sijne Mat. na hoer uterste vermoegen tegenstaen etc.

A prandio. Entsloten, sodane hoege lasten, armoet ende onderdanige erbiedinge up morgen tho negen uhren, in praesentie ende tegenwoerdicheit des hoech-

[p. 201]

weerdigen heren bisschops, sampt Lieutenant ende Hoefftmannen durch den syndicus in bijwesent voeler borger up den huese vlijtich voergedragen to worden, mit demoedich bidden van intercessie. Nota, dat dit oeck alsus gescheen. 10-30-71. Hiirvan een remonstrance bij den syndicus int lange vervatet.