Diarium van Egbert Alting 1553-1594

Sondach 13 Januarii 1572.

Responss den heren lieutenant durch den syndicus laten inbrengen, angesehen der graeff van Megen in den Heren gerust ende der tijden gelegentheit sulcks, dat in plaets desselffs haest een ander sall gestalt moeten worden, dese stadt oeverst idtz an hoeren vrijende gerechticheiden upgeholden, de borger oeck vast verarmpt ende daertegens een erb. Raedt sich alles guedts tot sijn gestreng. versehen, solden derwegen wall wonschen ende begeren, sijn Gestr. sodane stadtholderampt neet verseggen, dan guedtlick wolden annemen, daermit de stadt, vermidts sijner gunstiger intercessien, weder an hoer olde vrijdoem geraden ende de borger soll moegen vertroestet worden. Belangende oeverst van besendinge oder verscrijvonge tho hove tdoende (woe durch reverendiss. ende lieutenant gescheiet to sijnde, gesacht,) solde men des mit anderen meer communiceren ende verspreken moeten.

Voer rheden daerna noch a prandio anseggen laten, derwijlen der van Arenborch voer, oeck Megen daerna voele stede ende landtschappe onder oeren gouver-

[p. 206]

nementen gehadt, bevruchteden sich der stadt geswoerne, wen se idts bijsunders sodane versueck (woe besheer neet gescheen) doen worden, tselve tot eniger separation solde gedijen ende em principalyck als veroersaeckers desselffs bij anderen geweten ende to laste gelecht worden etc., mit erbiedung aller togenegent woe voer.