Maendach 7 Decembris 1573.
Andreas Sijmens contra Anna Hermens; verclaren B. ende R., dat men de voerdochter (Andrees pupill) uuth het mande gueth, tho weten uuth hoer saligen vaders ende steeffmoeders samptlycke ghoederen, sall behoeren tho cleden mit eenen nijen tabbert, een nijen rock, eenen nijen pels ende kappe, voerts mit een paer mouwen, oeck een paer hoesen ende schoen ende daermede sall se moeten (de nije cledinge angaende) vredich ende gesadight sijn.
Soe Johan Janssen, Cornelys Janssen ende Wilcke Lijsingk een erb. Raedt voergedragen, woe se wall geneight, etlyke lasten roggen ende molt hiirbinnen der stadt tho brengen ende solderen laten, bij also men hoer hiirnaest neet wolden behinderen, tselve koern te moegen na hoeren gevallen weder uuthfueren, is em daerup ontheet gedaen, dat B. ende R. em des neet begeerden tho beletten, dan wolden se daertho behulpelyck sijn, umme tselve also weder tho moegen uuthfueren, wes se na hoeren willen hiir tor stede neet solden koenen verkopen ende solden tot dien einde het getall van den ingebrachten roggen ende molte in der kamer laten upscrijven.
Auteursrechtelijk beschermd