Diarium van Egbert Alting 1553-1594

Saterdach 28 Novembris 1573.

Schultetus is tot eenen conrector presenteert²⁾.

B. Albert Roltmans pandt post Andreae usque Petri ad Cathedram.

B. ende R. laten weten, woe van der stadt wegen geaccordeert, dat twe vorscheyden harbergen buten Steentillpoerte tot meesten geriif van den reysenden koepman ende anderen goeden luyden sullen moegen upgeholden ende bedient worden, daer men kost ende dranck oeck wijn ende beer up behoerlycken axcijss ende andere noetdrufft den gasten tijdtlix vorsorgen, tappen ende bestellen sall. Des en sullen de twe elck bijsundere weerden gheenen mengenschap, collusie offte verdrach mit malckander maken noch ingaen, dan sullen elck oer beste anwenden, omme den koepman ende anderen gueth geriiff voer maetlyck geldt tdoende een jaer lanck, angaende des dages na sunte Thomas eerstkomende. Well nu daertho gesinnet, de mach sich up naesten Wondsdage tho dre uhren na den middage up ter heren wijnhuys erfuegen, daer men alsdan sulckes den meest daervoer biedende bij der keertsen uuthganck sall van der stadt wegen upslaen ende verhuyren ende dat onder genoechsamen borge.

2) Schultetus Schotensis was rector te Sneek. Zie Miss. prot. Alting blz. 397.