Maendach 27 Septembris 1574.
Den 27 Septembris 1574 is de erb. Johan de Mepsche voer den erntf. Johan Clandt als borgermester in der tijdt sijns pandes erschenen ende dat up den placcate van Con. Mat., soe upt stuck vant perdon wegen sijne Mat. verkundight gewest, begherende tselve alsoe angetekent solde moegen worden. Alsus gescheet ten huyse van den borgermester upgemeldt upten rechten middage in presentie des erb. Johan Schaffer tho Wolde, woe der heer borger mester voerg. daer berhedinge van gedaen.
B. ende R. laten weten ende gebieden, dat niemant enige vuymisse, vegelquaeth, onreyn wasschel offt gropenwater, noch anders enich dinck van eerde, dreck, steen, hoy, stroe offt diergelijcken sall warpen, ghieten offte veghen, in wat maniere sulckes gescheen muchte, binnen, voer noch achter de beyde nije vorlaten noch int Dampsterdiep noch oeck in der stadt grafften, allent ende telcker reyse bij pene vijff mareken, daer de anbrenger den darden part van genieten sall.
Auteursrechtelijk beschermd