Diarium van Egbert Alting 1553-1594

Wondsdach 17 Novembris 1574.

Volget wes van der stadt wegen oeck bij gescryffte der lande deputeerden daer weder up tor handen gestelt:

Dewijle de gedeputeerden der stadt Groeningen omme tho fruchtbarlycke raedtslach ende eyntlycken entscheydigung aller swevender twijdracht beyderzijdts hoicherbodene soeckinge der gemene walfaert van Stadt ende Ommelanden die walheergebrachte ende gelevede vervorderunge ende bestedigung der hoechroemlycken eenicheit tusschen voergen. landen ende stadt geachtet ende uuth der gedeputeerden der Ommelanden beyde mondelycke ende schryfftlycke voergheven claerlyck vernhemen, dat separatie ende gheen eenicheit bij denselven na voergenomener eerster frundtlycker bespreck volherdich gedreven wort, - verclaren derhalven voergescr. gedeputeerden der stadt Groeningen, dat sij den heeren prelaten, hoevelingen, egenarffden ende inwoenderen der Ommelanden geen meerder staet, qualiteyt offte preëminentie tholaten, dan zij van oldts gehadt ende na dess stadts ende Ommelanden privilegien, recht, gerechticheit, tractaten ende olde lofflycke gebruicken behoeren thebben, in dewelcken ghelijck die van der stadt den frunden van den Ommelanden gheene inbrock, insperinge offte nadeel tho doene gemeent, willen zij wederomme zekerlicken sluyten, dat die van den Ommelanden daerentegens den van der stadt tho doene offt geschehen tho laten voege noch recht zullen hebben, also dat de van der stadt, inhererende die voergescr. loffweerdige traetaten, natuerlycke wetten ende diesfals bij sententie geconfirmeerde gherechticheyden, geenszins en gedencken tho gedogen, dat de voergen. van den Ommelanden in der voergen. van der stadts affwesen ende sonder deselve gefragede ende erlangede consent eenige vergaderingen sullen moegen holden in saecken des stadts ende jurisdictien derselver ingesetenen personen ende ghoederen, in den Omlanden gelegen, eenichszins belangende, des die voergen. stadtsgedeputeerden den frunden van den Omlanden voer entlicken antwort diess angaende neet hebben willen voer ontholden.

A prandio.

Hiirup der Lande deputeerden (sich dennoch als deputeerden der Staten van de Omblanden noemende ende holdende) weder inbracht, men de questie der

[p. 286]

Staeten belangende soll in berust stellen ende iider in sijn gehell daerin laten ende treden voert in de andere questiose puncten etc.

Daer de stadt up gesacht, woe datselve tfundament ende hoefftstucke weere, daer de ander vorhandlinge up leende ende gebouwet muste worden ende dan de questio daervan eerst decideert ende hengelecht sijnde, sollen alle andere geschillen lichtlick neder to leggen wesen.

De Lande hebben sulcks all voer gedecideert geholden, derwijlen de stadt dan sulckes weder controversieus to maecken gemeent, wollen se sich voer Godt, sijne Mat. ende Gen. voer entschuldight holden, geen oersaeke tsijn, dat de freundtlycke verhandlinge geen voertganck mucht gewinnen.

Hefft de stadt sich desfals oeck tot sijne Mat., desselffs gouverneur ende sijn Gest. gerefereert, daer se idt to vorantworden wal getroestet ende dat also van der stadt wegen de freundtschafft mit nichten entstanden, dechten oeverst, se geen heren over oere goederen to gedoegen; ende als de Lande sus van der gastkamer ende voert den clooster her uuthgegaen, sijn lestlick oeck der stadt deputeerden vandaer gescheiden. Infecta re et sans dire adieu.