Diarium van Egbert Alting 1553-1594

Wondsdach 19 Januarii 1575.

Nadat nu de vordageden voergen. erschenen ende de notarius sampt sijnen tugen durch den doerwaerder upgeesschet ende neet daer gewest, sijn de heren entsloten, sodane antworth, als men hoer to gheven bedacht, den heer Lieutenant ende Hoefftmannen gerichtlyck to laten voerdragen, woe dan oeck in bijwesent van notarius ende tugen also gescheen, in form ende gestalt woe volght:

B. ende R., oldt ende nije, sampt S.M. ende B.v.d.g. der stadt Groeningen, om ghoede erhefflijcke rheden ende oersaecken hem daertho moverende, en koenen, moegen noch en behoeren sodane vermeente upsegginge des verbundts, in anno '82 - Maendages na Thomae - bij Stadt ende Lande eenhellich upgericht

[p. 292]

ende besheer genoech bestedight ende bekreftight, in gestalt, qualiteet ende fuege die alsnu erst voergenomen, neet accepteren, inwilligen noch annhemen, derwegen oeck van der nulliteet ende nichticheit sodaner pretenser revocatie opentlyck ende bij express midts desen protesterende, alse dat de selve revocatie edder upsegginge den voergemelten verbunde in sijnen begrijp ende inholde noch der voergen. stadt ende hoeren onderhoerigen, noch oeck den gemenen Omlanden in ghenen deele affbroeckich, nahdeelich offt schadelyck wesen sall, kan noch mach, daerup dan oeck den vormeenten upseggingebrieff genanten heren notario Arnoldo van Harderwijck weder ter handen stellende.....