Donderdach 23 Junii 1575.
Schaffers excuse, soe ob luctum, so der bejegeninge halven, dattet noch sijn persoon, noch der stadt gerhaden sijn soll, sich in den Raedt tbegevende, de saecken noch sus staende, kunde mede voer guedt insehen, dat erstes dages sijn edelgest. muchte der borger ende weeckleeninge ende ander beswaringe halven begroet worden.
Ordinantie ende moderatie up de teringe ende onkosten der carbijnen, bij den weerden hiirbinnen gescheen.
Voer iider carabijn elckes dages voer kost ende dranck 8 br. st.
Voer elcke vrouwe ende elcken jonge sdages 4½ br. st.; des sullen kleyne kynder ongerekent sijn.
Voer ruych foeder voer een peert iider ettmael 3 br. st.
Voer elck spint haver ½ schaep, tho verstaende van twe spint haver sdages voer iider peert ende neet meer.
Auteursrechtelijk beschermd