Diarium van Egbert Alting 1553-1594

[p. 314]

Donderdach 22 Septembris 1575.

Is lestlick verwillight, dat botter ende kese sall onverlet passeren, dan tkoeren neet sunder voergaende communicatie uuth te laten.

Sijn de hijlixforwerden van des heren dochter partijen voergelesen, stipuleert, verwillight ende ondertekent, de der heer bisschop, lieutenant ende borgermesteren (de alle daer tegenwoerdich) versegelen sollen, de oeck per reverendissimum daerna bruyt ende brugum mundtlyck voergeholden ende tconsent beyder tsijden gevraget ende volgents up den avent gehoeveert¹⁾.

De veervotede beesteaxcijs is verhuyrt ende getogen voer 1600 embder gulden per Evert Koyter ende Luleff Roeleffs.

4 wagen ende 10 peerde tbestellen, om morgen an den Delffzijll te trecken, daer questie om is, der stadt offt lande edder genen van beyden de selve bekostigen soellen.

1) Hoveren = hoven = feest vieren.