Diarium van Egbert Alting 1553-1594

Donderdach 7 Februarii 1577.

Ende want sijn Gen. oeck de 4 borgermesteren ghyster verboedet ende derselver saeken halven mit se gecommuniceret, sich oeverst vernhemen laten, raedtsampst te sullen sijn den volcke to gelievende, de borger oeck weder laten anholden, voerwendende neet te sueckende dan der stadt vrijheit ende privilegien, sunder emants in sijn eher offt fame vernahdelet te wordende, derwegen allnoch des Rhaedts consent versueckende, hefft lestlick en erb. Raedt daerup (insehende der saecken gelegentheit) den vrunden ingesacht, derwijlen se verclaerden, neet dan der stadts privilegien ende gerechticheyden te sueckende ende

[p. 369]

B. ende R. oeck neet anders geneight noch begerende weeren, kunde een erb. Raedt lijden se mit hoer voergevent voertfuerden, voerbeholden een iider in sijn glimp¹⁾ ende eher onvorkortet.

Ende want oeck sijn Ge. midlerwijle ingekomen, se samptlick voer den eendracht bedanckende ende mede seker propositie te dien fijne scryfftlyck verlesen laten, dewelcke na van sijn Gen. gefurdert ende enige nahdelige puncten daerin gespoert, hefft men sulcks bes morgen in bedencken gestelt. Doch hebben de borger (nu mar 30 wesende uuth iider clufft) onder sich 24 erwelet, daeruuth volgendts de 5 koerluyden solden gelotet worden ende sint de den heer borgermester in der tijdt behandet, om tegens morgen verdaget te wordende.

1) Gelimpe = fatsoen, goede naam.