Diarium van Egbert Alting 1553-1594

Sondach 17 Martii 1577.

Is dese verkundinge over den preeckstoel in der vroe-ende hoemissen in den 5 kereken, St. Meerten, Walburg, ter Ae, Jacop ende ten Broeren geschen: Alsoe Godt der Heer ons gevandet²⁾ mit den brandt (leyder) in Sint Meertenstoorn ende nochtans het muyrwarck (Godt loff) staende gebleven, dat welcke eerstes dages mit anckeren, balcken ende boenen moet noetdrufftich bevestight ende verbunden worden, begheren daeromme B. ende R., dat sich elck will guetwillich maecken ende na iider sijn vermoegen ende mildicheit daertho gheven, updat de voersz. toorn weder mitten eersten gestareket ende neet voert (daer Godt voer sij) over hoop vallen ende storten moege, des sullen ghoede luyde hiirtho ommegaen, elck doe dan het beste, nemende het loon van Godt.

2) Bezocht, beproefd.