Saterdach 13 Aprilis 1577.
Entsloten, dat men van doergaende ghoeder, soe hiir sunder lastbreken doergefuerth worden, mer halven axcijss gheven sall. Item dat men van Westfriessche goederen, soe alhiir doergefuert worden, ingelijcken mer halven axcijs betalen sall.
Noch entsloten, dat men dese vijff navolgende cijsber ghoederen sall upslaen ende sullen upten eersten sittdach gesett worden, tho wetende: doede vette waeren up 2500 daler, vrembde incomende granen up 800 daler, allerleye vrembde bieren op 1000 daler, sijdwarck, gewant, kremerie up 600 daler, butenlandtsche allerhande goeder up 1200 daler.
Soe de teemsmakers sich beclaget over eener van hoer handtwarck, de buten der poorte sitten aerbeyden, is em tselve (woe anderen vandaer geen neringe tdoende) affgesacht ende verhoeden, dan wen he sulcks tdoende geneight, sol alsdan binnen komen woenen, egen vuer ende roock holden, sijn ghyldtrecht ende buyrmael moeten winnen. Doch wes he rhede gemaket hefft, mach he hiirbinnen int gross verkopen ende neet uuth sudelen anders dan up voersz. conditien.
Nota, dattet punct van anno 59, van geen neringe buten poerten tdoende bij 25 g.g. der stadt to verbreken up Sonsdach 14 Aprilis over de kercken publiceert geworden.
Auteursrechtelijk beschermd