Dinxsdach 16 Aprilis 1577.
Den makelers contra den rooper uperlecht, der heeren ordinantie, van eerst de vrembde ankomende ghoeder te sullen uuthgeropen worden, te moeten nakomen ende achtervolgen.
Desen ondergescreven schijn umb rheden an een erb. Raedt begeerdt, als hiirna volghet: Wij B. ende R. der stadt Groeningen doen kundt und certificeren midts desen, also Egbertus Altingk, onse secretarius, begherich na acht und twintich jaeriger bedieninge sich mit Godts hulpe in rust und enicheit (soe voel moegelyck) tho beghevende und ons derwegen umb een schijn sijnes treuwen denstes vlijtich angelanget, hebben hem sulckes mit nichten tho verseggen gewust, dan midts und durch tegenwoerdigen geern mitgedeelt, als hem sijnes ampts und denstes halven ter eheren bedanckende. Tho oerkunde onser stadts hiir upgedruckten signete. Ghegeven den 16en Aprilis 1577.
Geantwoerdet, men hem den denst noch neet konden affnemen eder vrijlaten, woldens oeverst wal versegelen, oeck meerder des denstes attestation geern mitdeelen, doch des ampts daermit neet te sullen erledight sijn, weshalven de brieff midts dien onversegelt gelaten, als sodaner attestation oeck weynich bedarff sijnde, dan denstlick (woe meermaels) ersocht, en erb. Raedt sich mit eenen truwen bequamen diener erster gelegentheit versehen wolde etc. Ende want filius der stadt ende partijen tom besten mit de veder mede gedient ende deselve chiirlyck gebrueckt, is er der schutterie entfrijet bleven.
Auteursrechtelijk beschermd